ފުލުހުން ބާއްވަމުން އަންނަ "ބްލޫޒް ފޮ ޔޫތު" ކޭމްޕް އައްޑޫގައި ބޭއްވުމާ ބެހޭ ގޮތުން މަޝްވަރާކޮށްފި އެވެ.
މި ޕްރޮގްރާމަކީ ޒުވާނުންނާއި ފުރާވަރުގެ ކުދިން ކުށުގެ ވެށިން ދުރުކޮށް ޒިންމާދާރު ބައެއްގެ ގޮތުގައި ދެމިތިބެ ޤައުމީ ޚިދުމަތަށް ތައްޔާރުކޮށް ދިނުމަށް ގިނަ ޙަރަކާތްތަކެއް އެކުލެވިގެން ފުލުހުންނާއި ސްކޫލުތަކާ ކައުންސިލްތައް ގުޅިގެން ހިންގާ ޕްރޮގްރާމެކެވެ.
މިކަމާ ބެހޭ ގޮތުން އައްޑޫގައި ބޭއްވި ބައްދަލުވުމުގައި ސްކޫލުތަކާ އެކު މަޝްވަރާކޮށްފައި ވަނީ މި ކޭމްޕު އައްޑޫގައި ބާއްވަން އެންމެ ރަނގަޅު ދުވަސް ވަރަކާއި ސްކޫލުތަކުން ދަރިވަރުން ބައިވެރިކުރާނެ ގްރޭޑްތަކާ ޢަދަދު ތަކާ ބެހޭ ގޮތުންނެވެ.
އެގޮތުން ސްކޫލުތަކުން ވަނީ ސްކޫލުތަކުގެ އިމްތިޙާނުތަކަށް ދަތިނުވާނެ ގޮތަށް އަދި ސްކޫލުތަކުގައި ހިންގާ ބޮޑެތި ހަރަކާތްތަކާ ފުށު ނާރާނެ ގޮތަކަށް މި ކޭމްޕުގެ ދުވަސްތައް ކަނޑައެޅުމުގައި ފުލުހުންނާ އެކު މަޝްވަރާކޮށްގެން ދުވަސްވަރެއް ކަނޑައަޅައިފަ އެވެ.
އައްޑޫގައި "ބްލޫޒް ފޮ ޔޫތު ކޭމްޕް" ބޭއްވުމުގައި ސްކޫލުތަކުން ވެދެވެން އޮތް ހުރިހާ އެހީތެރިކަމަކާ އެއްބާރުލުމެން ފުލުހުންނަށް ދޭނެ ކަމުގެ ޔަޤީންކަން ސްކޫލުތަކުން ވަނީ ފުލުހުންނަށް ދީފަ އެވެ. އަދި މިފަދަ ކޭމްޕްތަކަކީ ދަރިވަރުންގެ އަޚްލާގަށާއި ސްލޫކަށް ވަރަށް ހެޔޮ ބަދަލެއް ގެނެސްދޭ އަދި ކުށުގެ ނުރައްކަލުން ދަރިވަރުން ދުރުކުރުމަށް ވަރަށް މުހިއްމު މަޢުލޫމާތުތަކެއް ލިބިގެންދާ ކޭމްޕެއްކަންވެ ސް ސްކޫލުތަކުން ފާހަގަ ކުރި އެވެ.