ކޮންމެ މީހަކީ ވެސް ތެދުވެރި، ނަޒާހަތްތެރި މީހަކަށް ވާން ޖެހޭ ކަމަށް ނައިބު ރައީސް ފައިސަލް ނަސީމު ވިދާޅުވެއްޖެ އެވެ.
ޤައުމީ ޔުނިވަސިޓީން މިއަދު ބޭއްވި "ފަހި މުސްތަގުބަލް ސްޕީކަ ސީރީސް 2023" ގައި އެ މަނިކުފާނު ވިދާޅުވީ އިހުލާސްތެރިކަމުގެ ސިފަ އަކީ ކޮންމެ މީހަކަށް ވެސް ވަރަށް މުހިއްމު ކަމެއް ކަމަށެވެ. އެގޮތުން މަސައްކަތުގެ ދާއިރާ އިން އަމިއްލަ ތަޖުރިބާ ހިއްސާކުރައްވައި ފައިސަލް ވިދާޅުވީ ތަފާތު މީހުންނާ އެކީ މަސައްކަތް ކުރުމުން ގިނަ ކަންކަން ދަސްވާކަމަށާއި ކޮންމެ މީހެއްގެ ކައިރިން ވެސް ދަސްވާ ނެކަންކަން ހުންނާނެކަން ޤަބޫލު ވެސް ކުރަން ޖެހޭ ކަމަށެވެ.
އަދި ކަންކަމުގައި އަބަދުވެސް މީހުންގެ ލަފަ އާއި އިރުޝާދާ އެކީ މަސައްކަތް ކުރުމަކީ ވަރަށް ފަސޭހަ ކަމެއް ކަމަށް ވިދާޅުވި އެވެ.
އެގޮތުން މަސައްކަތުގެ މާހައުލުގައި ކުރިމަތިވާ ގޮންޖެހުންތަކުން އަރައިގަތުމަށްޓަކައި އަރައިވަޑައިގަތުމަށް ހުންނެވި ތަނުން ކެނޑިވަޑައިގެން އެހެންތަ ނަކަށް ބަދަލުވެވަޑައިގެންނެވުމުގެ ބަދަލުގައި އެ ގޮންޖެހުމާއި ކުރިމަތިލައްވައި އެކަން ހައްލުކުރައްވައި ޒިންމާ އަދާކުރެއްވި ކަމަށް ވެސް ވިދާޅުވި އެވެ.
ފައިސަލް ވިދާޅުވީ ވަކި މަގާމެއްގައި ހުރެގެން މަސައްކަތެއް ކުރެވޭނެކަމަށް ޤަބޫލުކުރުން ދޫކޮށްލައި ކޮންމެ މަގާމެއްގައި ހުރެގެން ވެސް ގައުމީ ޚިދުމަތް ކުރުން މުހިއްމު ކަމަށެވެ.