އެލައިޑް އިންޝުއަރަންސް ކުންފުނީގެ އިސްލާމިކް ވިންޑޯ އަޔާދީ ތަކާފުލްއިން 5 ވަނަ ފަހަރަށް އިފްސާ ގޯލްޑް އެވޯޑު ހާސިލްކޮށްފިއެވެ.
މިމަހުގެ 26 ގައި ބޭއްވި އިފްސާ އެވޯޑު ޙަފުލާގައި އަޔާދީ ތަކާފުލްއިން ވަނީ "ތަކާފުލް ވިންޑޯ ނުވަތަ ޔުނިޓް އޮފް ދަ އިޔަރ" ކެޓަގަރީއިން ގޯލްޑް އެވޯޑް، ޙާޞިލުކޮށްފައެވެ. މިއީ އަޔާދީ ތަކާފުލްއިން މި އެވޯޑެ ވިދިވިދިގެން ޙާޞިލުކުރި 5 ވަނަ ފަހަރެވެ.
We’re honored to receive the Takaful Window/ Unit of the Year recognition at the IFFSA Awards organized by UTO EduConsult.
Our utmost gratitude goes to our loyal customers, dedicated staffs and mentors. 😊🙏 pic.twitter.com/TWhXKBkgBv
— Ayady Takaful – Allied Islamic Window (@ayadymv) October 31, 2023
ސްރީލަންކާގެ އެޑިއު ކޮންސަލްޓުން އިންތިޒާމް ކުރާ އިފްސާ އެވޯޑް ހަފުލާއަކީ ދެކުނު އޭޝިއާ ސަރަހައްދުގައި އިސްލާމިކް ފައިނޭންސް ދާއިރާ ފުޅާކޮށް، ޚިދުމަތްދިނުމުގައި މުޖްތަމަޢުއަށް ފައިދާ ކުރުވަނިވި އީޖާދީ ވިސްނުން ތައާރަފުކުރާ ފަރާތްތަކުގެ މަސައްކަތުގެ އަގުވަޒަން ކުރުމުގެ ގޮތުން ކޮންމެ އަހަރަކު ބާއްވަމުންދާ އެވޯޑު ހަފްލާއެެކެވެ.
އިފްސާ އެވޯޑު ސީރީޒްގައި އަޔާދީ ތަކާފުލް ވަރަށް ގިނަ ކާމިޔާބީތައް މީގެ ކުރިންވެސް ހޯދާފައިވެއެވެ. އެގޮތުން 2017 ވަނަ އަހަރު ޚިދުމަތުގެ އަގުވަޒަންކުރުމުގެ ގޮތުން، "ހައްޖު އަދި އުމްރާ ތަކާފުލް" އަށް ލިބިފައިވާ "އިނޮވޭޓިވް ޕްރޮޑަކްޓް އޮފް ދަ އިޔަރ" އާއި 2021 ވަނަ އަހަރު "އަހަރެންގެ ހިޔާ" އަށް ލިބިފައިވާ "އިނޮވޭޓިވް ޕްރޮޑަކްޓް އޮފް ދަ އިޔަރ" ސިލްވަރ އެވޯޑު ހާސިލްކޮށްފައިވެއެވެ.
މީގެ އިތުރުން 2018، 2019، 2020، 2021 އަދި 2022 ވަނަ އަހަރު "ތަކާފުލް ވިންޑޯ ނުވަތަ ޔުނިޓް އޮފް ދަ އިޔަރ" އިން ލިބިފައިވާ ގޯލްޑް އެވޯޑު ހޯދާފައިވެއެވެ.