ގޭތެރޭގައި ބޭނުންކުރާ ކަރަންޓް ސާމާނު މަރާމާތުކުރަން ދަސްކޮށްދޭން އައްޑޫގެ އަންހެނުންނަށް އަމާޒުކޮށްގެން ކަރަންޓާ ގުޅޭ ކޯހެއް ހިންގަން ނިންމައިފި އެވެ.
އައްޑޫގެ އަންހެނުންގެ ތަރައްގީ އަށް މަސައްކަތްކުރާ ކޮމިޓީން އިންތިޒާމުކޮށްގެން މި ބޭސިކް ކޯސް ނިންމާފައި ވަނީ ތިން ކްލާހަކަށް ބަހާލައިގެންނެވެ. އެއީ ހިތަދޫ އަންހެނުންނަށް ހާއްސަ ކްލާހަކާއި ފޭދޫ، މަރަދޫފޭދޫ އަދި މަރަދޫ އަންހެނުންނަށް ހާއްސަ ކްލާހެއްގެ އިތުރުން ހުޅުދު އާއި މީދޫގެ އަންހެނުންނަށް ހާއްސަ ކުލާހެކެވެ.
ތިން ކްލާސް ވެސް ކުރިއަށް ގެންދަން ހަމަޖެހިފައި ވަނީ ފަސް މުއްދަތަށެވެ.
އެހެންވެ މީގައި ބައިވެރިވާން ޝައުގުވެރިވާ އަންހެނުންނަށް މިހާރު ވަނީ ފުރުސަތު ހުޅުވާލައިފަ އެވެ. ކްލާސްތަކުގައި ބައިވެރިވާން ނަން ނޯޓްކުރާނީ މާދަމާ އިން ފެށިގެން މި މަހުގެ 8 އާ ހަމައަށަށެވެ. ނަން ނޯޓްކުރަން ގުޅާނީ އަންހެނުންގެ ކޮމިޓީގެ ރަސްމީ ނަމްބަރު 9336787 އަށެވެ.
އައްޑޫގެ އަންހެނުންގެ ތަރައްގީ އަށް މަސައްކަތްކުރާ ކޮމިޓީން ބުނީ އަންހެނުންނަށް ކަރަންޓް ސާމާނު މަރާމާތުކުރަން ދަސްކޮށްދޭ ހިންގާ ބޭސިކް ކޯހުގެ މައިގަނޑު ބޭނުމަކީ ކަރަންޓް ސާމާނަށް ދިމާވާ ކުދިކުދި މައްސަލަތައް ހައްލު ކުރަން އަންހެނުންނަށް ދަސްކޮށްދީ ޙަރަދު ކުޑަކޮށް ކަރަންޓް ބޭނުން ކުރަން އެނގުމާއި، ރަައްކާތެރި ގޮތުގައި ކަރަންޓް ބޭނުން ކުރަން ދަސްކޮށް ދިނުމުގެ ގޮތުން ހުނަރުވެރި ބަޔަކަށް ެއަންހެނުން ހެދުން ކަމަށެވެ.