އަންނަ މަހު ހަތަރު ކައުންސިލެއްގެ ބައި-އިލެކްޝަން ބާއްވަން އިލެކްޝަންސް ކޮމިޝަން އީސީ) އިން ނިންމައިފި އެވެ.
އަންނަ މަހުގެ 16 ގައި ބާއްވާނީ ހއ. ކެލާ، އދ. ހަންޏާމީދޫ، ނ. މާފަރު އަދި ތ. ގުރައިދޫ ކައުންސިލްގެ ބައި-އިލެކްޝަނެވެ.
އީސީން ބުނީ އެ ބައި-އިލެކްޝަންތަކުގައި އިންތިހާބު ކުރުމަށް ހަމަޖެހިފައި ވަނީ ކެލާ ކައުންސިލްގެ އަންހެން މެންބަރާއި، އދ. ހަންޏާމީދު އާއި މާފަރުގެ ކައުންސިލް މެންބަރު އަދި ތ. ގުރައިދޫ ކައުންސިލް ރައީސް ކަމަށެވެ.
މި އިންތިހާބަށް ކުރިމަތިލުމަށް އެދޭ މީހުންނަށް މި މަހުގެ 16 އާ ހަމައަށް ވަނީ ފުރުސަތު ހުޅުވާލައިފަ އެވެ. މިކަމަށް އެދޭ
ފޯމު އީސީގެ ވެބްސައިޓުން ޑައުންލޯޑް ކުރެވޭނެ އެވެ.
މި އަހަރުގެ ތެރޭގައި ކުރިން ވެސް އެކިއެކި ބައި-އިލެކްޝަންތައް ބާއްވާފައިވެ އެވެ.