ޕީޕީއެމް މެމްބަރެއްގެ ގޮތުގައި ހުންނެވި އިކޮނިމިކް މިނިސްޓްރީގެ ކުރީގެ ޑެޕިއުޓީ މިނިސްޓަރު އަބްދުﷲ މުހައްމަދު (މަދަނީ އަބްދުﷲ) މެލޭޝިއާ އިން ހިފަހައްޓައިފި އެވެ.
އެނގިފައިވާ ގޮތުގައި އެ ގައުމުގެ އިމިގްރޭޝަނުން އޭނަ ހިފަހެއްޓީ ޓެރަރިޒަމަށް ހިތްވަރުދޭ ކަމަށް ބުނާ ލިސްޓެއްގައި ނަން އޮތުމާ ގުޅިގެންނެވެ. އަދި އަބްދުﷲ ހިފަހައްޓައި އޭނަ ޑީޕޯޓްކުރަން ވެސް މަސައްކަތްކުރަމުން އަންނަ ކަމަށް އެނގިފައިވެ އެވެ.
ނަމަވެސް މިކަމާ ގުޅޭ ގޮތުން ރާއްޖޭގެ ކަމާބެހޭ ފަރާތްތަކުން އަދި އެއްވެސް އެއްޗެއް ނުބުނެ އެވެ.
ކުރިން ހޯމް މިނިސްޓްރީގެ ސްޓޭޓް މިނިސްޓަރެއްގެ މަގާމު ވެސް ފުރުއްވި އަބްދުﷲ އަކީ މީގެ އަހަރުތަކެއް ކުރިން ގިނަ މަދަނީ ޖަމިއްޔާތަކެއް އިންތިހާދުވެ ހެދި "މަދަނީ އިއްތިހާދު" ގައި އިސްކޮށް އުޅުއްވި ބޭފުޅާ އެވެ.