ބޭންކް އޮފް މޯލްޑިވްސް ބީއެމްއެލް) ގެ ސްކޮލަޝިޕް ފަންޑަށް ކުރިމަތިލާން ދިން ސުންގަޑި އަންނަ ހޮނިހިރު ދުވަހު ހަމަވާނެ ކަމަށް އެ ބޭންކުން ބުނެފި އެވެ.
ސްކޮލަޝިޕް ފަންޑް ހާއްސަކޮށްފައި ވަނީ އުމުރުން 18-25 އަހަރާ ދެމެދު ޒުވާނުންގެ ތެރެއިން އޭ ލެވެލް އިމްތިހާނުގެ ހުރިހާ މާއްދާއަކުން ފާސްވެފައިވާ މީހުންނަށެވެ. ރާއްޖެ އިން ބޭރުން ކިޔަވަން ދޭ މި ސްކޮލަޝިޕް ފަންޑްގެ ދަށުން ޓިއުޝަން ފީ، މަހުން މަހަށް ހިނގާ ހަރަދު، ވިސާ ފީ، ފޮތް ގަތުމުގެ ހަރަދާއި އެސްޓަބްލިޝްމެންޓް އެލަވަންސްގެ އިތުރުން ޓިކެޓް ހަރަދު ހޮވޭ ފަރާތްތަކަށް ލިބޭނެ އެވެ.
ގައުމީ ބޭންކްގެ މި މި ސްކޮލަޝިޕް ފަންޑަކީ ބޭންކިން އާއި މާލީ ދާއިރާއިން ހުނަރުވެރި ދިވެހި ޒުވާނުން ބިނާ ކުރުމުގެ މަގުސަދުފައި ފަހިކޮށްދޭ ފުރުސަތެކެވެ.
ސްކޮލަރޝިޕަށް އެދި ހުށަހަޅާ މީހުންގެ ތެރެއިން ހޮވާނީ ތިން މީހެކެވެ. އެއީ ބޭންކިން އެންޑް ފައިނޭންސްގެ ރޮނގުން އެކައުންޓިން، ފައިނޭންޝަލް ޓެކްނޮލަޖީ، ފައިނޭންޝަލް އިންޖިނިއަރިން، ރިސްކް މެނޭޖްމަންޓް ނުވަތަ ފައިނޭންޝަލް ރިޕޯޓިން އެންޑް އެނަލެޓިކްސް ފަދަ ދާއިރާއަކުން އަންޑަ ގްރެޖުއޭޓް ޕްރޮގްރާމެއް ފުރިހަމަ ކުރުމަށެވެ.