އައްޑޫން ދަނޑިވެރިކަމަށް ބިން ދޫކުރުމާ ގުޅޭ އާ އުސޫލެއް އާންމުކޮށް މިއަދުން ފެށިގެން އެއަށް އަމަލުކުރަން ފަށައިފި އެވެ.
ކައުންސިލުން ބުނީ މިހާރު ގެޒެޓްކޮށްފައިވާ މި އުސޫލު ފާސްކުރީ މިދިޔަ މަހުގެ 5 ގައި ކަމަށެވެ.
އާ އުސޫލުގައިވާ ގޮތުން އެއަށް އަމަލު ކުރަން ފެށި އިރު، ދަނޑުވެރިކަމަށް ދޫކޮށްފައިވާ ބިންތަކުގެ އެއްބަސްވުމުގެ މުއްދަތު
ހަމަވުމުން އެއްބަސްވުން އާ ކުރާނީ ބިން ލިބިފައިވާ ފަރާތުން ބިމެއް ބޭނުންކުރާ ގޮތަށް ބަލައި ބިމުގެ ބޮޑުމިނަށް ބަދަލުގެނައުމުގެ އިހުތިޔާރު ކައުންސިލަށް ލިބޭ ގޮތަށެވެ.
އާ އުސޫލަށް އަމަލު ކުރަން ފެށުމުގެ ކުރިން ހިނގާފައިވާ ނުވަތަ ކޮށްފައިވާ ކަމެއްގެ މައްޗަކަށް މި އުސޫލު ނުހިނގާނެ އެވެ. ނަމަވެސް އުސޫލަށް ޢަމަލު ކުރަން ފެށުމަށް ފަހު އުސޫލުގައި ވަކި ކަމެއް ލާޒިމްކޮށްފައިވާ ނަމ،ަ އެކަމެއް އުސޫލުގެ ދަށުން ހިނގާނެ ކަމަށް ކައުންސިލުން ބުންޏެވެ.
އާ އުސޫލުގެ ދަށުން ދަނޑުވެރި ކަމަށް ބިން ދޫކުރަނީ ދެ ގިންތިއަކުންނެވެ. އެއީ އާންމު ދަނޑުވެރި ކަމަށާއި ބިން ދޫކުރުމާއި ބީލަމުގެ އުޞޫލުން ދޫކުރާ ބިންތަކުގެ ގޮތުގަ އެވެ. އެގޮތުން އާންމު ދަނޑުވެރި ކަމަށް ދޫކުރާ ބިމުގެ ކުއްޔަކީ އަކަފޫޓަކަށް 15 ލާރި އެވެ. އަދި އެފަދަ ދަނޑުވެރިކަމުގެ ބޭނުމަށް ދޫކުރާނީ 3،000 އަކަފޫޓަށް ވުރެ ބޮޑު ނޫން ބިމެވެ.
މި ގިންތީގެ ދަށުން ބިން ދޫކުރާނީ ސީދާ އައްޑޫގެ ރަށްވެހިންނަށެވެ. އަދި އެއީ އަހަރު ދުވަހުގެ މުއްދަތަށެވެ.
ބީލަމުގެ އުސޫލުން ދަނޑުވެރި ކަމަށް ދޫކުރާނީ ބިމުގެ އަކަފޫޓަކަށް ނަގާނީ 10 ލާރި އެވެ. އަދި ބީލަމުގެ އުޞޫލުން ދަނޑުވެރިކަން ކުރުމަށްޓަކައި ދޫކުރާ ބިމުގެ ބޮޑުމިން ކަނޑައަޅާނީ ބިމުގެ ބޮޑުމިން ކަނޑައަޅާނީ ކައުންސިލުންނެވެ.
މި ގިންތީގެ ދަނޑުތަކަށް ކުރިމަތިލެވޭނީ ރާއްޖޭގަ އި ރަޖިސްޓްރީކޮށްފައިވާ ވިޔަފާރިތަކާއި ޖަމިއްޔާ ޖަމާއަތްތަކަށެވެ. އޭގެ ތެރޭގައި އަމިއްލަ ފަރުދުންގެ ވިޔަފާރ،ި ކުންފުނ،ި ޕާޓްނަޝިޕް، ލޯކަލް އިންވެސްޓްމެންޓް އަދި ކޯޕަރޭޓިވް ސޮސައިޓީތަކާއި ޖަމްޢިއްޔާ ޖަމާޢަތްތަކަށެވެ.
ބީލަން އުސޫލުން ދަނޑުވެރިކަމަށް ބިން ދޫކުރާނީ 20 އަހަރަށެވެ.
ދަނޑުބިމުގެ މުއްދަތު އިތުރު ކުރުމަށް ބޭނުންވާ ފަރާތްތަކުން މުއްދަތު ހަމަވުމުގެ ތިން މަސް ކުރިން ލިޔުމުން ކައުންސިލަށް ހުށަހަޅަން ޖެހޭމެ އެވެ. އަދި ރާއްޖޭގެ އިގުތިސާދީ ހާލަތަށް ބަލައ،ި އުސޫލުގެ ދަށުން ދޫކުރާ ބިންތަކުގެ ކުލި ރިވިއުކުރުމުގެ ކުލި ރިވިއުކުރުމުގެ އިޚުތިޔާރު ކައުންސިލަށް ލިބިގެންވެ އެވެ.
އުސޫލުގައިވާ ގޮތުން އެއްވެސް ސަބަބަކާ ހެދި ދަނޑު ދޫކޮށްލަން ޖެހިއްޖެ ނަމ،ަ 30 ދުވަސް ކުރިން ލިޔުމުން ކައުންސިލް އެކަން ހުށަހަޅަން ޖެހޭނެ އެވެ. އަދި ދަނޑުބިން ދޫކޮށްލާ އިރު ދަނޑުގައި ހައްދާފައިވާ ރުއްގަހާއި ގޮވާމާއި ކޮށްފައިވާ މަސައްކަތްތަކަށް ކައުންސިލުން ބަދަލު ދޭކަށް ނުޖެހޭނެ އެވެ.
ދަނޑުބިންތަކުގެ އެއްބަސްވުމުގެ މުއްދަތު ހަމަވުމުގެ ކުރިން ކައުންސިލްގެ ބޭނުމަށް ބިން ނަގާ ނަމަ ތިން މަސް ކުރިން އެކަން އެ ފަރާތަކަށް ކައުންސިލުން އަންގާނެ އެވެ. އެ ގޮތުގެ މަތިން ބިން ވަކިކުރާ ނަމަ އެބިމަށް ކޮށްފައިވާ މަސައްކަތައް ޢަދުލުވެރި ބަދަލެއް ވެސް ދޭނެ އެވެ.
އައްޑު އަކީ މާ ފުޅާކޮށް ނޫން ނަމަވެސް އާމްދަނީ ހޯދަން ދަނޑުވެރިކަން ކުރަމުން އަންނަ ތަނެކެވެ. އެގޮތުން އެންމެ އައްޑޫގައިޮ ދަނޑުވެރިކަން ކުރަނީ މީދު އާއި ހިތަދޫގަ އެވެ.