ސްޓޭޓް ޓްރޭޑިންގް އޯގަނައިޒޭޝަން (އެސްޓީއޯ) އިން ކޮންމެ އަހަރެއްވެސް ނިންމާލުމުގެ ގޮތުން ކުރިއަށް ގެންދާ ޔިއަރ-އެންޑް ސޭލް މިއަދު ފަށައިފިއެވެ.
އެސްޓީއޯގޭ މިއަހަރު ސޭލް ކުރިއަށް ދާނީ މި ފެށުނު ނޮވެމްބަރު މަހުގެ 1 ވަނަ ދުވަހުން ފެށިގެން އަންނަ ޑިސެމްބަރު މަހުގެ 15 ވަނަ ދުވަހުގެ ނިޔަލަށެވެ. މި ޕްރޮމޯޝަން ކުރިއަށްދާނީ އެސްޓީއޯ ޕީޕަލްސް ޗޮއިސް އަދި އަތޮޅު ތެރޭގައި ހުރި އެސްޓީއޯގެ ރީޖަނަލް ފިހަރާތަކުގައެވެ.
މި ޕްރޮމޯޝަންގެ ދަށުން މި ފިހާރަތަކުން ވިޔަފާރި ކުރައްވާ ފަރާތްތަކަށް %80 އިންސައްތައާއި ހަމައަށް ގަންނަ ތަކެތިންޑިސްކައުންޓް ލިބިގެންދާނެއެވެ. އަދި ބައެއް ސާމާނު ތަކުން ބަންޑަލް އޮފާރތައްވެސް ވަނީ ހަމަޖެހިފައެވެ. މި އޮފަރ ތަކަކީ ވަކި އެއްޗެއް ގަތުމުން އެއާއެކު އިތުރު އެއްޗެއް ހިލޭ ލިބޭ އޮފަރ ތަކެކެވެ.
އެސްޓީއޯ ޕީޕަލްސް ޗޮއިސްގައި ބުރާސްފަތި ދުވަހު މެންދުރު ފަހު، މި ސޭލް ފައްޓަވައިދެއްވީ އެސްޓީއޯގެ ޖެނެރަލް މެނޭޖަރ މަރިޔަމް ޕަރުވީން އަބްދުލް ފައްތާހު އެވެ.