އައްޑޫސިޓީ މަރަދޫ-ފޭދޫގައި ޒަމާނީ ފެންވަރުގެ އިންޑޯ ވޮލީ ބޯޅަ ކޯޓެއް އެޅުމުގެ މަސައްކަތް ކުންފުންޏަކާއި ހަވާލުކޮށްފިއެވެ.
މިމަސައްކަތް މިދިޔަ އަންގާރަ ދުވަހު ހަވާލުކޮށްފައިވަނީ ސާރީއާ އިންވެސްޓްމެންޓާއިއެެވެ. މި މަސައްކަތް އެކުންފުންޏާއި ހަވާލުކޮށްދެއްވީ އައްޑޫސިޓީ މޭޔަރ އަލީ ނިޒާރުއެވެ. މިއީ ޑިޒައިން އެންޑް ބިލްޑް އުސޫލުން ހަވާލުކޮށްފައިވާ މަސައްކަތެވެ. އެހެންކަމުން މިތަނުގައި އާންމު ގޮތެއްގައި މިފަދަ ކުޅިވަރު ކޮމްޕްލެކްސްއެއްގައި ހުންނާނެ ގިނަ ވަސީލަތްތައް ހުންނާނެ ކަމަށް އައްޑޫސިޓީ ކައުންސިލުން މައުލޫމާތު ދެއެވެ.
އައްޑޫސިޓީ މަރަދޫފޭދޫ އަވަށުގައި އިންޑޯރ ވޮލީ ކޮމްޕްލެކްސްއެއް ޤާއިމް ކުރުމަށްޓަކައި، އައްޑޫސިޓީ ކައުންސިލް އާއި، ސާރިއާ އިންވެސްޓްމެންޓް އާއި އެކު އެއްބަސްވުމުގައި ސޮއި ކުރުމުގެ ތެރެއިން. pic.twitter.com/Wzr5d03hIY
— Addu City Council (@AdduCityCouncil) October 31, 2023
ޟ
މިމަސައްކަތް އެކުންފުންޏާއި ހަވާލުކޮށްފައިވަނީ 3،873،894.32ރ. އަށެވެ. މިއީ މުޅިއަކު މަސައްކަތް ފަށާތާ 190 ދުވަހުގެ ތެރޭގައި ނިންމުމަށް ހަވާލުކޮށްފައިވާ މަޝްރޫޢުއެކެވެ.
އައްޑޫގައި މީގެ ކުރިން ވަރަށް ފޯރިގަދަކޮށް ވޮލީ ބޯޅަ ކުޅެފައިވެއެވެ. ނަމަވެސް ފަހަކަށް އައިސް ކުޅިވަރު އައްޑޫއިން ފަނޑުވެފައިވާއިރު، ފޭދޫގެ ޖަމީއްޔާ އަކުން ދާދި ފަހުން ވަނީ ވޮލީ ކޭމްޕެއް ވެސް ބާއްވާފައެވެ. މިވަގުތު ފޭދޫގައި އައުޓް ޑޯ ވޮލީ ދަނޑެއްވެސް އޮވެއެވެ.