ތިމާވެއްޓަށް ކުރާ މަސައްކަތުގެ އަގު ވަޒަންކޮށް އިންޑިއާގެ އެންވަޔަރަމަންޓަލް އެކްޓިވިސްޓް ގްރޫޕަކުން ބޮލީވުޑްގެ ބަތަލާ ރަބީނާ ޓަންޑަން އަށް ހާއްސަ އެވޯޑެއް އަރުވައިފި އެވެ.
"ޔަންގް އެންވަޔަރަމަންޓަލިސްޓް ގްރޫޕް" އިން ރަވީނާ އަށް އަރުވާފައި ވަނީ "ވިމެން އެޗީވާ އެވޯޑް" އެވެ.
މި އެވޯޑް ކާމިޔާބު ގިނަ ފިލްމުތަކެއް ކުޅެފައިވާ އަދި 1990 ގެ އަހަރުތަކުގެ އެންމެ މަޝްހޫރު އެއް ބަތަލާ އަށް އަރުވާފައި މި ވަނީ މިއަދު ފާހަގަ ކުރަމުން އަންނަ ބައިނަލްއަގްވާމީ އަންހެނުންގެ ދުވަހާ ވެސް ގުޅުވައިގެންނެވެ.
ރަވީނާގެ އިތުރުން އެ އެވޯޑް ލިބުނު ފަރާތްތަކުގެ ތެރޭގައި ލަވަކިއުންތެރިޔާ ޝިބާނީ ކޭޝަޕާއި މޮޑެލް ޖެއްސޭ ރާންދްވާ ހިމެނެ އެވެ.
ރަވީނާ ދެން އެންމެ އަވަހަށް ބޮޑު ސްކްރީނުން ފެންނާނީ މެއި 5 ގައި ރިލީޒް ކުރާ "ބޮމްބޭ ވެލްވެޓް" އިންނެވެ.