މޯލްޑިވްސް އިސްލާމިކް ބޭންކް (އެމްއައިބީ) ގެ ސޭލްސް ސެންޓަރެއް ބ. އޭދަފުށީގައި ހުޅުވައިފި އެވެ.
އިއްޔެ ބޭއްވި ރަސްމިއްޔާތެއްގައި އެތަން ހުޅުވައިދެއްވީ އޭދަފުށީ ކައުންސިލްގެ ރައީސް މުހައްމަދު ފާތިހާއި އާއި ބ. އަތޮޅު ކައުންސިލްގެ ރައީސް އަހްމަދު އަފްރާހެވެ.
އެމްއައިބީން ބުނީ މި ސޭލްސް ސެންޓަރަކީ ޒަމާނީ ޓެކްނޮލޮޖީގެ އެހީގައި ހިދުމަތްތައް ފޯރުކޮށް ދޭނެ ތަނެއް ކަމަށެވެ. އެގޮތުން ފައިސާ ޖަމާކުރާނެ ކައުންޓަރުތަކާ ނުލައި ޒަމާނީ ޓެކްނޮލޮޖީގެ އެހީގައި ފައިސާ ޖަމާކުރުމާއި ނެގުން 24 ގަޑިއިރު އޭޓީއެމް މެދުވެރިކޮށް ލިބޭނެ ކަމަށް ބުންޏެވެ. މި ސޭލްސް ސެންޓަރުން އެކައުންޓް ހުޅުވައި ދިނުމުގެ ހިދުމަތް އޮންލައިންކޮށްދޭ އިރު އިންޓަނެޓް ބޭންކިން ގެ ހިދުމަތް ވެސް އަމިއްލަ އަށް ރަޖިސްޓްރީކުރެވޭނެ އެވެ.
އެމްއައިބީން ބުނި ގޮތުގައި އޭދަފުށީގައި ހުޅުވި ސޭލްސް ސެންޓަރުގެ ސަބަބުން ބ. އަތޮޅުގެ ރައްޔިތުންނަށް އެ ބޭންކްގެ ހޯދަން ބޮޑު ފަސޭހައަކަށް ވާނެ އެބެ.
މިފަދަ ޒަމާނީ ބްރާންޗްތަށް ވަރަށް އަވަހަށް އދ. މަހިބަދު އާއި ލ. ގަމުގައި ވެސް ހުޅުވަން އެމްއައިބީން ވަނީ ނިންމައިފަ އެވެ.