އައްޑޫގައި މިހާރު ހަދަމުން އަންނަ ފުޓްސަލް ދަނޑުތަކުގައި އަޅާ މެޓްތައް މިއަދު އައްޑު އަށް ގެނެސްފި އެވެ.
މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރްޑީސީ) އާ ހަވާލުކޮށްގެން ކުރިއަށް ގެންދާ މަޝްރޫއުގެ ތެރެއިން މިހާރު ހަދަމުން އަންނަނީ ހުޅުދު އާއި މީދޫގެ ފުޓްސަލް ދަނޑުގެ މަސައްކަތެކެވެ.
ޕިޗްގައި މެޓް އެޅުން ފިޔަވައި މަރަދު އާއި ހިތަދޫ ފުޓްސަލް ދަނޑުގައި ކުރަން ޖެހޭ ހުރިހާ މަސައްކަތްތައް މިހާރު ވަނީ ނިންމައިފަ އެވެ.
އެހެންވެ އަންނަ މަހުގެ ތެރޭގައި އެ ހަތަރު ދަނޑުގެ މަސައްކަތް ނިންމައި ލެވޭނެ ކަމަށް އެމްއާރްޑީސީން ބުންޏެވެ. ޕިޗްތަކުގައި އަޅާ މެޓްތައް މިހާރު ވަނީ ފުޓްސަލް ދަނޑުތަކަށް ޖަމާ ވެސް ކޮށްފަ އެވެ.
މިހާރުގެ ސަރުކާރުން ޒުވާނުން ކުޅިވަރު ކުޅޭނެ ތަންތަން ގާއިމުކޮށް ދިނުމުގެ ގޮތުން ކުރިއަށް ގެންދާ ފުޓްސަލް ދަނޑު އެޅުމުގެ މަޝްރޫއުގެ ތެރެއިން އައްޑޫގައި އެންމެ ފުރަތަމަ ނިންމާފައި ވަނީ ފޭދޫ ފުޓްސަލް ދަނޑެވެ.
އެ ދަނޑުގެ މަސައްކަތް މިހާރު ނިންމައި މިހާރު އަންނަނީ ބޭނުން ވެސް ކުރަމުންނެވެ.