ފަލަސްތީނުގެ 120 އާއިލާއަކަށް ދިވެހިންގެ ފަރާތުން ފައިސާ ބަހައިފި އެވެ.
މި ފައިސާ ބަހާފައި ވަނީ އެ ގައުމަށް އެހީވާން ފަންޑް ހޯދުމުގެ މަސައްކަތް ކުރަމުން އަންނަ ރާއްޖޭގެ ޖަމިއްޔާއެއް ކަމަށްވާ ހިދުމަތުގެ ފަރާތުންނެވެ. އެގޮތުން ކޮންމެ އާއިލާއަކަށް 200 ޑޮލަރުގެ މަގުން ފައިސާ ބަހާފައިވެ އެވެ.
ދިވެހިންގެ ފަރާތުން ފަލަސްތީނަށް އެހީވުމުގެ ވަރަށް ބާރަށް ކުރިއަށްދާ އިރު، މީގެ ކުރިން އިންޓަނޭޝަނަލް އެއިޑް ކެމްޕޭން (އައިއޭސީ) ގެ ރާއްޖެ ގޮފިން ވެސް ފަލަސްތީންގެ އާއިލާތަކަކަށް ފައިސާ ބަހާފައިވެ އެވެ.
ފަލަސްތީނުގެ ރައްޔިތުންނަށް އެހީވާން ރާއްޖޭގެ އެކި ހިސާބުތަކުގައި އަންނަނީ އެކި ފެންވަރުގައި ފަންޑް ރެއިޒިން ހަރަކާތްތައް ބާއްވަމުންނެވެ.
މިދިޔަ މަހުގެ 7 އިން ފެށިގެން އިޒްރޭލުން ހިންގަމުންދާ ލާއިންސާނީ ޖަރީމާތަކުގައި ފަލަސްތީނުގެ 9،000 އަށް ވުރެ ގިނަ މީހުން ޝަހީދުވެފައިވެ އެވެ. މީގެ ތެރޭގައި ގިނައީ ކުޑަކުދިންނާއ އަންހެނުންނެވެ.