ސަރުކާރުގެ ބޯހިޔާވަހިކަމުގެ ޕްރޮގްރާމުގެ ދަށުން ހިތަދޫގައި ޢިމާރާތް ކުރެވޭ 264 ހައުސިން ޔުނިޓް ދޫކުރުމަށް އެކުލަވާލެވުނު އުސޫލަށް ލޭންޑް އެންޑް ހައުސިން ސެކްޝަނުން މަޝްވަރާ އަށް އެދި ހުށަހެޅުމާއި ގުޅިގެން ކައުންސިލްގެ މަޝްވަރާ ކޮމިޓީން ކެޓަގަރީތަކަށް ބަދަލުތަކެއް ގެނެސްފި އެވެ.
އަދި އިމާރާތް ވެސް ކުރަން ނުފަށާ އެ ޔުނިޓްތަކަށް ކުރިމަތިލާން ކަނޑައަޅާފައިވާ އުސޫލްތަކަށް ގެނައި ބަދަލުތަކަކީ:
* ހިތަދޫގައި ޢިމާރާތް ކުރެވޭ ހައުސިން ޔުނިޓް ދޫކުރުމަށް ހަމަޖެހިފައިވާ އުޞޫލުގެ ކެޓެގަރީ A ގެ ދަށުން 100 ހައުސިން ޔުނިޓް ދޫކުރުމަށާއި މި 100 ހައުސިން ޔުނިޓަށް އައްޑޫގެ ކޮންމެ އަވަށެއްގެ ރައްޔިތަކަށް ވެސް ކުރިމަތިލެވުން.
* ހިތަދޫގައި ޢިމާރާތް ކުރެވޭ ހައުސިންޔުނިޓް ދޫކުރުމަށް ހަމަޖެހިފައިވާ އުޞޫލަށް ކެޓަގަރީއެއް އިތުރުކޮށް، އެކެޓެގަރީއަކީ، ކެޓެގަރީ B ކަމުގައި ހަމަޖައްސައި، މި ކެޓެގަރީގެ ދަށުން 100 ހައުސިން ޔުނިޓް ދުކުރުމަށާއި، މި 100 ހައުސިން ޔުނިޓް ދޫކުރެވޭނީ ހިތަދޫގެ މެދެއާރި މަގުން ދެކުނަށް އީސީސީ ސަރަހައްދާއި ހައުސިން ޔުނިޓް އެޅުމަށް ހަމަޖެހުނު ސަރަޙައްދާއި، އޮޑައްސައު ސަރަހައްދުގެ ޙިމާޔަތް ކުރެވިފައިވާ ސަރަޙައްދު ތަކުން ސަރުކާރުގެ ބޭނުމަށް ގޯތި ވަކިކުރެވިފައިވާ ފަރާތްތަކަށެވެ.
މި ކެޓަގަރީ އަށް ކުރިމަތިލާ ފަރާތްތަކަށް ޕޮއިންޓް ދެވޭނެ އުޞޫލަށް ސަރުކާރުގެ ބޭނުމަށް ގޯތިވަކިކުރެވިފައިވާތީ ދެވޭ ޕޮއިންޓްގެ ގޮތުގައި 15 ޕޮއިންޓް ހަމަޖެއްސުން.
* ހިތަދޫގައި ޢިމާރާތް ކުރެވޭ ހައުސިންގ ޔުނިޓް ދޫކުރުމަށް ހައުސިންގ މިނިސްޓްރީން ކަނޑައަޅާފައިވާ އުޞޫލުގެ ކެޓަގަރީ B ކެޓަގަރީ C އަށް ބަދަލުކޮށް މިކެޓަގަރީގެ ދަށުން 30 ހައުސިންގ ޔުނިޓް ހަމަޖެއްސުން.
* ހިތަދޫގައި ޢިމާރާތް ކުރެވޭ ހައުސިން ޔުނިޓް ދޫކުރުމަށް ހައުސިން މިނިސްޓްރީން ކަނޑައަޅާފައިވާ އުޞޫލުގެ ކެޓަގަރީ C ، ކެޓަގަރީ D ، އަށް ބަދަލުކޮށް މި ކެޓަގަރީގެ ދަށުން 34 ހައުސިން ޔުނިޓް ހަމަޖެއްސުން.
* ހިތަދޫގައި ޢިމާރާތް ކުރެވޭ ހައުސިން ޔުނިޓް ދޫކުރުމަށް ޕޮއިންޓް ދެވޭނެ އުޞޫލުގައި ކެޓަގަރީ A މިހާރު ވެސް އޮތް ގޮތަށް ބޭއްވުމަށާއި، ކެޓަގަރީ B އަށް ޕޮއިންޓް ދެވޭނެ ބައިތަކަކީ ކެޓަގަރީ A ގައިވާ ބައިތަކުގެ ތެރެއަށް "ސަރުކާރުގެ ބޭނުމަށް ގޯތި ވަކި ކުރެވިފައިވާތީ" މިބައި އިތުރުކޮށް ކެޓަގަރީ B ކަމުގައި ހަމަޖެއްސުން، އަދި ކެޓަގަރީ C އަކީ ހައުސިންގ މިނިސްޓްރީން ޕޮއިންޓް ދިނުމަށް ހަމަޖައްސަވާފައިވާ އުޞޫލުގެ ކެޓަގަރީ B ކަމުގައި ހަމަޖެއްސުން.
* ހުޅުދޫ މީދޫގައި ޢިމާރާތް ކުރެވޭ ހައުސިންގ ޔުނިޓްތަކުގެ ކެޓަގަރީ A އަށް ކުރިމަތި ލެވޭ ފަރާތްތައް ކަމުގައި، ހުޅުދޫ/މީދޫ އަވަށުގެ ރައްޔިތުންނަށް އެކަނި ފުރުޞަތު އޮތުމުގެ ބަދަލުގައި ހުޅުމީދޫ އަވަށުން އައްޑޫސިޓީގެ ކޮންމެ ރައްޔިތަކަށް ކެޓަގަރީ A އަށް ކުރިމަތި ލެވޭގޮތަށް ހަމަޖެއްސުން.
ކައުންސިލުން ބުނީ މި ގޮތަށް ނިންމާފައި ވަނީ ފެބްރުއަރީ 24، 2015 ވަނަ ދުވަހު ބޭއްވި ކައުންސިލްގެ އަށް ވަނަ ބައްދަލުވުމުގެ އިއްތިފާގުން ކަމަށެވެ.