ވިނަރެސް ފްލެޓު ގަންނަން ހުޅުވާލުމުނަށް އާބަންކޯގެ ޕޯޓަލްއަށް ދިމާވި ޓެކްނިލް މައްސަލަތާކާއި ހެދީ، ފްލެޓު ގަތުމަށް ހުށަހެޅުމުގެ މަރުހަލާ މަޑު ޖައްސާލާފައިވާ ކަމަށް އާބަންކޯއިން ބުނެއެވެ.
ވިނަރެސް ފްލެޓު ގަތުމަށް ހުޅުވާލީ އީއްޔެ ހެނދުނު 10:00 ޖެހިއިރުއެވެ. ނަމަވެސް ފޯމު ފުރިހަމަ ކުރުމާއި ބޭނުންވާ ލިއެކިއުންތައް ޕޯޓަލްއަށް އަޕްލޯޑު ކުރުމަށް ބައެއް ފަރާތްތަކަށް ދިމާވި ކަމަށް ވަނީ މައުލޫމާތު ލިބިފައެވެ. އެގޮތުން ބައެއް ފަރާތްތަކަށް ގިނަ ވެގެން 30 މިނެޓު މިކަމަށް ހޭދަވި ކަމަށް ވަނީ މައުލޫމާތު ލިބިފައެވެ.
އާބަންކޯއިން ކުރި އިއުލާނުގައި ބުނީ، މިކަމާއި ގުޅޭ ޝަކުވާތައް އެކުންފުންޏަށް ލިބިފައިވާ ކަމަށާއި، ޕޯޓަލްއަށް ދިމާވި ޓެކްނިލް މައްސަލައާއި ގުޅިގެން އިތުރަށް ބަލަން ޖެހޭ ކަންކަން ހުރިކަން ފާހަގަ ކުރެވިފައިވާ ކަމަށެވެ. އެހެން ކަމުން އެޕާޓްމެންޓް ގަތުމަށް އޮންލައިކޮށް ފޯމު ހުށަހެޅުމުގެ މަރުހަލާ މަޑުޖައްސަލާން ނިންމާފައިވާ ކަމަށް އާބަންކޯއިން ބުނެއެވެ.
އަދި މިމައްސަލަ ހައްލުކޮށް އަލުން ހުޅުވާލާނެ ދުވަހެއް ފަހުން އާންމު ކުރާނެ ކަމަށް އާބަންކޯއިން ވަނީ ބުނެފައެވެ. އާބަންކޯއިން އަލުން ހުޅުވާލާނެ ދުވަހެއް އިއުލާންކޮށްފައި ނުވާއިރު، އީއްޔެ ހުޅުވާލި ފުރުސަތުގައި ގިނަ ފަރާތްތަކުން ކުރިމަތިލި ކަމަށް ބައެއް މީޑިއާތަކުން ވަނީ ރިޕޯޓްކޮށްފައެވެ. އެގޮތުން 30 މިނެޓު ތެރޭގައި ހުރިހާ ފްލެޓެއް ބުކް ކޮށްފައިވާ ކަމަށް ވަނީ ރިޕޯޓްކޮށްފައެވެ.
ވިނަރެސް އަކީ 13 ބުރީގެ 10 ޓަވަރު ހިމެނޭ ގޮތަށް ތިން ކޮޓަރީގެ 1،344 ފްލެޓް ހިމެނޭ ހައުސިން މަޝްރޫއެކެވެ. އޭގެ ތެރެއިން އިއްޔެ ހުޅުވާލީ ގާތްގަނޑަކަށް 120 ފްލެޓަށެވެ. އަދި މިވަގުތު ޕްރޮސެސިންގައި 1063 ފްލެޓެއް އޮތް އިރު ބުކް ކޮށްފައިވަނީ 281 ފްލެޓެވެ. އަދި އިތުރު އެއްވެސް ފްލެޓެއް ޕޯޓަލުން އިތުރަށް ހުރި ކަމަށް ނުދައްކަ އެވެ.