ދެހާހަށް ވުރެ ގިނަ ފަތުރުވެރިންނާއި އެއްކޮށް ކްރޫޒް ލައިނާ އެމްއެސް އައިޑަބެއްލާ މާލެއަށް ބަނދަރުކޮށްފި އެވެ.
މޯލްޑިވްސް އެސޯސިއޭޝަން ފޯރ ޔޮޓް އެޖެންޓްސް (މާޔާ) އިން ހާމަ ކުރި ގޮތުގައި ކްރޫޒް ލައިނާ މާލެއަށް ބަނދަރުކޮށްފައިވަނީ، މިއަދު ހެނދުނު 10:02 ގައެވެ. މި ކްރޫޒް ލައިނާއިން 2008 ފަތުރުވެރިން އައިއިރު، އޭގެ އިތުރަށް 600 ކްރޫއިން މި ކްރޫޒް ލައިނާގައި ތިބި ކަމަށް ބުނެއެވެ. މި ކްރޫޒް ލައިނާ މާލެ އައިސްފައިވަނީ 2 ދުވަހަށެވެ.
MS. AIDAbella anchored Male' port 06Nov23-10:02 hrs with 2008 passengers and 600 crew for 2 days. First Cruis Ship for 23/24 season. We thank all for the suport & assistacnes. @MoTmv @MoTCAmv @CustomsMv @ImmigrationMV @MoHmv @Portmv @MNDF_Official @MIRAmaldives @MaleCitymv pic.twitter.com/olmpNdNnsz
— mayamaldives (@mayamaldives) November 6, 2023
މާޔާ އިން ބުނީ މިއީ 2023/2024 ސީޒަނުގެ ފުރަތަމަ ކްރޫޒް ލައިނާ ކަމަށެވެ. އަދި ކްރޫޒްލައިނާގެ ކަންކަން ބެލެހެއްޓުމުގައި އެހީތެރިވެދިން ހުރިހާ އިދާރާއަކަށް ވަނީ ޝުކުރު އަދާ ކޮށްފައެވެ.
މިއަހަރު ޖުމްލަ 9 ކްރޫޒް ލައިނާއެއް ރާއްޖެއަށް އަންނާނެ ކަމަށް ޓުއަރިޒަމް މިނިސްޓްރީން ވަނީ ހާމަކޮށްފައެވެ. އެގޮތުން މިއީ މިއަހަރު އަންނާނެ ކަމަށް ބުނި ކްރޫޒް ލައިނާތަކުގެ ތެރެއިން 6 ވަނަ ކްރޫޒް ލައިނާއެވެ. ބާކީ އިތުރު 3 ކްރޫޒް ލައިނާ އަންނަ މަހު ރާއްޖެ އަންނާނެ ކަަމަށް ޓުއަރިޒަމް މިނިސްޓްރީން ބުނެއެވެ.
ކޯވިޑަށް ފަހު ކްރޫޒް ލައިނާތައް ރާއްޖެއަށް އަންނަން ފެށީ މިދިޔަ އަހަރު ނޮވެމްބަރުގައެވެ.