މުމްބާއީގެ ހޮޓަލެއްގައި އިއްޔެ އެކްޓަރު އަދިތިޔާ ޕަންޗޯލީ ހިންގި މާރާމާރީ އާ ގުޅިގެން ފުލުހުން އޭނާ ހައްޔަރު ކުރި ނަމަަވެސް ކަފާލާތުގެ ދަށުން ދޫކޮށްލައިފި އެވެ.
އިއްޔެ ހެނދުނުގެ ވަގުތެއްގައި ސަންޓާކްރޫޒްގެ ފުލުހުން އަދިތިޔާ ހައްޔަރު ކުރީ ޖުހޫ އޭރިއާގެ ހޮޓަލެއްގެ ތެރޭގައި މާރާމާރީ ހިންގައި، އެތަނުގެ ސެކިއުރިޓީ ގާޑެއްގެ ބޯ ފަޅާލި މައްސަލައިގަ އެވެ.
އެ މައްސަލާގައި އޭނާ ހައްޔަރުކޮށް ފަހުން ދޫކޮށްލައިފައި ވަނީ ހަވީރުގެ ވަގުތެއްގަ އެވެ.
އަދިތިޔާ ފުލުހުން ކައިރީ ވެސް ބުނެފައިވާ ގޮތުން މި ހާދިސާ ހިނގަން މެދުވެރި އެ ހޮޓަލުގައި އެ ވަގުތު އިނގިރޭސި ލަވަ ޖަހަމުންދާތީ، ހިންދި ލަވައަށް ބަދަލުކޮށް ދޭން މެނޭޖްމަންޓްގައި އެދުމުން އެކަމަށް އެ ފަރާތުން އިޖާބވަ ނުދިނުމުން ރުޅިގަދަވެގެންނެވެ.
ބައެއް މީޑިއާ ރިޕޯޓްތައް ބުނާ ގޮތުން ހޮޓަލުގައި ޖަގަޑާ ހެދި އިރު، އަދިތިޔާ ހުރީ ވެސް މަސްތުގެ ހާލަތުގަ އެވެ.