އާ ސަރުކާރުގެ އިސް މަގާމަކަށް ވަޑައިގަންނަވަން ހަމަޖެހިފައިވާ ކަމަށް ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދު ވިދާޅުވެއްޖެ އެވެ.
އޭނަގެ އާ ފޮތް "އިސްލާމީ ނަޒަރިއްޔާތު" ރޭ ނެރެން ބޭއްވި ހަފުލާގައި އޭނަ ވިދާޅުވީ އެ ސަބަބާ ހުރެ، އިސްލާމިކް އޮގަނައިޒޭޝަން ފޯ ކަލްޗަރަލް އެންޑް ސިވިލައިޒޭޝަން (އައިއޯސީސީ) ގެ ރައީސްކަމުން ވެސް އިސްތިއުފާ ދެއްވަން ނިންމަވާފައިވާ ކަމަށެވެ.
ޝަހީމު އިސްކޮށް ހުންނަވައިގެން ހިމްގަމުން ގެންދަވާ އެ އިންސްޓިޓިޓއުޓަކީ އެކި ދާއިރާތަކުން މީހުން ބިނާކިރަމުން އަންނަ ތަނެކެވެ.
މި މަހުގެ 17 ގައި ރައީސްކަމުގެ ހުވާކުރައްވާ ޑރ. މުހައްމަދު މުއިއްޒުގެ ސަރުކާރުގެ އިސް މަގާމަށް ވަޑައިގަންނަވާނެ ކަމަށް ވިދާޅުވިޔަސް އެކަމާ ގުޅޭ އިތުރު ތަފުސީލެއް ޝަހީމް ނުދެއްވަ އެވެ. އޭނަ އަކީ ކުރިން އިސްލާމިކް ޔުނިވަސިޓީގެ ޗާންސެލަރުކަން ވެސް ކުރައްވާފައިވާ ބޭފުޅެކެވެ.
މުއިއްޒު ވިދާޅުވެފައި ވަނީ އެ މަނިކުފާނުގެ ސަރުކާރުގެ ކެބިނެޓްގައި ތިއްބަަވާނީ އިލްމީ، ގާބިލު ތަޖުރިބާކާރު ބޭފުޅުން ކަމަށެވެ.