އުސޫލުގެ ދަށުން އެކަނިވެރިމައިންގެ އިނާޔަތް ލިބެން ނުޖެހޭ ބަޔަކަށް އެ އިނާޔާތް ދީފައިވާތީ އެ ފައިސާ އަނބުރާ ހޯދަން އެންސްޕާ އަށް އަންގައިފި އެވެ.
މިގޮތަށް އެންގީ އެތަނުގެ އޮޑިޓް ރިޕޯޓްގަ އެވެ. އޭގައި ފާހަގަކޮށްފައިވާ ގޮތުގައި އެކަނިވެރިން މައިންނަށް ސަރުކާރުން ދޭ އިނާޔަތް ލިބެން ނުޖެހޭ ނުވަ މީހަކަށް 2020 ގައި އެ އިނާޔަތް ދީފައިވެ އެވެ. އަދި އެ އަދަދު 93،000ރ. އަށް އަރަ އެވެ. އެންސްޕާގެ އޮޑިޓް ރިޕޯޓްގައިވާ ގޮތުން އެކަނިވެރިމައިންގެ އިނާޔަތް ލިބުނު ނުވަ މީހުންނަކީ ކައިވެނިކޮށްގެން އުޅޭ މީހުންނެވެ. އެ އިނާޔަތަކީ ކައިވެނި ރޫޅިފައިވާ މައިންނަށް ދޭ އިނާޔަތެކެވެ.
އޮޑިޓް ރިޕޯޓްގައިވާ ގޮތުން އެ އުސޫލުގެ ބޭރުން އިނާޔަތް ދެވިފައި ވަނީ އިނާޔަތް ދިނުމުގެ ކުރިން ކައިވެންޏާއި ވަރީގެ މައުލޫމާތު ކޯޓުތައް މެދުވެރިކޮށް ބެލޭނެ ފުރިހަމަ ނިޒާމެއް ގާއިމުކޮށްފައި ނެތުމުންނެވެ.
މި މައްސަލާގައި ފައިސާ އަނބުރާ ހޯދަން އެންސްޕާ އަށް އޮޑިޓް އޮފީހުން އަންގާފައިވާ އިރު، އެލަވަންސް ދިނުމުގައި އިހުމާލުވި މުބައްޒަފުންނަށް ފިޔަވަޅު އަޅަން ވެސް އޮޑިޓާ ޖެނެރަލް އަންގަވާފައިވެ އެވެ.
"ދައުލަތުގެ މުވައްޒަފުންގެ އިހުމާލުން ދައުލަތަށް ލިބޭ މާލީ ގެއްލުންތަކަށް މުވައްޒަފުން ޒިންމާވާން ޖެހޭ އިރު، ޒިންމާ ނެގުމަށް މުވައްޒަފަކު ދެކޮޅު ހަދާ ނަމަ ކަމާބެހޭ އިދާރާތަކަށް އެ މައްސަލަ ހުށަހެޅުމަށް ވެސް އޮޑިޓާ ޖެނެރަލް އަންގަވާފައިވެ އެވެ.