ރާއްޖޭގެ މަޝްހޫރު ފިލްމީ ތަރިން ކަމަށްވާ މަރިޔަމް އައްޒަ އާއި ފިރިމީހާ އަބްދުﷲ މުއާޒް (މުއާ) ތުރުކީ އަށް ހިނގައްޖެ އެވެ.
މި ދަތުރު ފެށުމުގެ ތެރެއިން ނަގާފައިވާ ފޮޓޯތަކެއް އައްޒަގެ ސޯޝަލް މީޑިއާގައި ވެސް ހިއްސާކޮށްފައިވެ އެވެ. ފަހަކަށް އައިސް އައްޒަ އާއި މުއާ އެކި ތަންތަނަށް އެކީގައި ވަރށް ގިނައިން ދަތުރުކުރާކަން ފާހަގަކުރެވެ އެވެ.
މި ދެ ތަރިން ކައިވެނިކުރީ 2020 ގަ އެވެ. މިއީ އައްޒަ އާއި މުއާގެ ވެސް ދެވަނަ ކައިވެންޏެވެ. އަދި ދެ މީހުންގެ ކުރީގެ ކައިވެނިތަކަށް ދަރިން ވެސް ލިބިފައިވެ އެވެ. އައްޒަގެ ކުރީގެ ފިރިމީހާ އަކީ އެކްޓަރު/ޑިޒައިނަރު އިސްމާއީލް ޖުމައިހް (ޖުމާ) އެވެ. މުއާގެ ކުރީގެ އަންހެނުންނަކީ ޕީއެސްއެމްގެ ކުރީގެ ޑެޕިއުޓީ މެނޭޖިން ޑިރެކްޓަރު ޝާޔަން ޝާހިދެވެ.
ޔާރާ އާއިލާ އަށް ނިސްބަތްބާ އައްޒަ އަކީ މަޝްހޫރު ބަތަލާ އައިޝަތު ރިޝްމީގެ ކޮއްކޮ އެވެ.
އައްޒަ އާއި މުއާ ތުރުކީ އަށް ދިޔަ އިރު، އެ ގައުމަކީ މިހާރު ވަރަށް ގިނަ ދިވެހިން ޗުއްޓީ އަށް ދާ ގައުމެކެވެ.