މި އަހަރުގެ ރިޔާސީ އިންތިހާބުގެ ފުރަތަމަ ބުރުގައި ވާދަކުރެއްވި ހުރިހާ ކެންޑިޑޭޓުން ވެސް މާލީ ބަޔާން ހުށަހަޅާފައިވާ ކަމަށް އިލެކްޝަން ކޮމިޝަން (އީސީ) އިން ބުނެފި އެވެ.
އެތަނުން ބުނީ ހުރިހާ ކެންޑިޑޭޓުން ވެސް މާލީ ބަޔާން ހުށަހެޅުއްވީ އެކަމަށް ދިން މުހުލަތުގެ ތެރޭގައި ކަމަށެވެ. ރިޔާސީ އިންތިހާބު ދެ ބުރަކަށް ބޭއްވި އިރު، ފުރަތަމަ ބުރުގައި 8 ކެންޑިޑޭޓަކު ވާދަކުރެއްވި އެވެ.
އެއީ ޕީއެންސީގެ ކެންޑިޑޭޓް ޑރ. މުހައްމަދު މުއިއްޒާއި އެމްޑީޕީގެ ކެންޑިޑޭޓް ރައީސް އިބްރާހީމް މުހައްމަދު ސޯލިހާއި ޖުމްހޫރީ ޕާޓީގެ ކެންޑިޑޭޓް ގާސިމް އިބްރާހީމާއި ޑިމޮކްރެޓްސްގެ ކެންޑިޑޭޓް އިލްޔާސް ލަބީބާއި އެމްއެންޕީގެ ކެންޑިޑޭޓް ކާނަލް މުހައްމަދު ނާޒިމާއި އަމިއްލަ ގޮތުން ވާދަކުރެއްވި އުމަރު ނަސީރާއި ފާރިސް މައުމޫންގެ އިތުރުން ހަސަން ޒަމީލެވެ.
މި 8 ކެންޑިޑޭޓުންނާ އެކީ އިންތިހާބުގެ ފުރަތަމަ ބުރު ސެޕްޓެމްބަރު 9 ގައި ބޭއްވި ދެވަނަ ބުރު މުއިއްޒާއި ރައީސް ސޯލީހާ އެކީ ބޭއްވީ އެ މަހުގެ 30 ގަ އެވެ. އެ ބޭފުޅުންގެ މާލީ ބަޔާން ދިން ސުންގަޑި ހަމަވާނީ މި މަހުގެ 29 އަށެވެ.
އިންތިހާބު ކާމިޔާބު ކުރެއްވީ މުއިއްޒު މި މަހުގެ 17 ގައި ރައީސްކަމުގެ ހުވާކުރައްވާނެ އެވެ.