ޔުނިސެފުން ރާއްޖެ އަށް ދެ ބައްޔަކަށް ހާއްސަ ވެކްސިންތަކެއް ހަދިޔާކޮށްފި އެވެ.
ރާއްޖެ އަށް ހަދިޔާކުރީ ހިމަބިއްސާއި ރުބެއްލާއިން ރައްކާތެރިކޮށްދޭ ވެކްސިންގެ 136,000 ޑޯޒެވެ. އިއްޔެ ހެލްތު މިނިސްޓްރީގައި ބޭއްވި ރަސްމިއްޔާތެއްގައި ވެކްސިން ހަވާލުކޮށް ދެއްވީ ރާއްޖޭގެ ޔުނިސެފް ރެޕްރެޒެންޓެޓިވް ޑރ. އެޑްވާޑް އެޑައި އެވެ. އަދި ވެކްސިންތަކާ ހަވާލުވެވަޑައިގެންނެވީ މިނިސްޓަރު އަހުމަދު ނަސީމެވެ.
ހެލްތު މިނިސްޓްރީން ބުނި ގޮތުގައި މިއީ މިއީ ބަލިތަކުން ރައްކާތެރިކޮށް ދިފާއީ ނިޒާމު ވަރުގަދަކޮށް ދެމެހެއްޓުމަށް އެހީތެރިވެދޭނެ ވެކްސިން ކަމަށެވެ.