އަންނަ އަހަރުގެ އައިޕެޑްގެ އާ މޮޑެލްތަކެއް އެޕަލް އިން ނެރޭނެ ކަމަށް ރިޕޯޓްތައް ބުނެފި އެވެ.
އެޕަލް ކުންފުނީގެ އުފެއްދުންތަކާ ބެހޭ މައުލޫމާތު ތިލަކޮށްދޭ އެނިލިސްޓް މިންގު-ޗީ ކުއޯ ބުނި ގޮތުގައި އަންނަ އަހަރު އައިޕެޑް އެއާގެ އާ ވާޝަންތަކެއް ނެރޭނެ އެވެ. މީގެ ތެރެއިން އެކައްޗަކީ އަލަށް އެޕަލް އިން އޯލެޑް ޑިސްޕްލޭ ހިމަނައިގެން ނެރެން ހަމަޖެހިފައިވާ އައިޕެޑް ޕްރޯ އެވެ.
2024年新款iPad機型與量產時程預測 / Predictions for New iPad Models and Production Timeline in 2024https://t.co/VgiIXeS1Wg
— 郭明錤 (Ming-Chi Kuo) (@mingchikuo) November 12, 2023
އަންނަ އަހަރުގެ ނެރޭ އައިޕެޑްގެ މޮޑެލްތަކުގެ ތެރޭގެ ދެ ސައިޒެއް އެކުލެވޭނެ އެވެ. އެއީ 10.9 އިންޗީގެ ޑިސްޕްލޭގެ އިތުރުން 12.9 އިންޗީގެ ޑިސްޕްލޭ އެކުލެވޭ އައިޕެޑެވެ. އަދި މި ފަހަރުގެ އައިޕެޑް ކަލެކްޝަންގެ ޗިޕް ވެސް ތަފާތުވާނެ އެވެ. އެގޮތުން މީގައި ބޭނުންކޮށްފައި ވާނީ މި އަހަރުގެ ސެޕްޓެމްބަރުގައި ނެރުނު އައިފޯން 15 ގައި ވެސް ބޭނުންކޮށްފައިވާ އެމް3 ޗިޕް ކަމަށް ކުއޯ ބުނެ އެވެ.
ނަމަވެސް އާ އައިޕެޑް ކަލެކްޝަން ނެރޭނެ ސީދާ ތާރީހަކާއި އަގުތަކެއް އޭނަ ހިއްސާކޮށްފައެއް ނުވެ އެވެ. އެކަމަކު ކުއާ ބުނެފައި ވަނީ އަހަރުގެ ފުރަތަމަ ކުއާޓަރުގެ ތެރޭގައި އައިޕެޑްގެ އާ ކަލެކްޝަން ދައްކައިލާނެ ކަމަށެވެ.