މުމްބާއީގެ ޖުހޫ އޭރިއާގެ ހޮޓަލެއްގައި މިދިޔަ އާދީއްތަ ދުވަހު މާރާމާރީ ހިންގި މައްސަލާގައި އެކްޓަރު އަދިތިޔާ ޕަންޗޯލީ ކޯޓަށް ހާޒިރު ކުރުމުން ކޯޓް ތެރޭގައި ލަވަ ކިޔައި، ކޯޓްގެ ހުރުމަތް ކަނޑާލަން މަސައްކަތްކޮށްފި އެވެ.
މިޑް-ޑޭ އިން ރިޕޯޓްކޮށްފައިވާ ގޮތުގައި އަދިތިޔާ ކޯޓަށް ހާޒިރު ކުރުމުން އެންމެ ފުރަތަމަ އޭނާ ކިޔަން ފަށާފައި ވަނީ "ގަންޕަތި ބައްޕާ މޯރިއާ" އެވެ. އޭހެ ފަހުން ތަފާތު އެކި ލަވަތައް ކިޔައި އޭނާ ވަނީ ކޯޓް ތެރޭގައި އަޑުގަދަކޮށްފަ އެވެ.
ފުލުހުން އެކަން ހުއްޓުވަން މަސައްކަތް ކުރުމުން 50 އަހަރުގެ އެކްޓަރު ބުނީ "ބޭނުން ވަނީ ތާޒާ ވައި" ކަމަށެވެ.
އެހެން ނަމަވެސް ތަކުރާރުކޮށް ލަވަ ކިޔައި އާދަޔާހިލާފު ގޮތަކަށް އޭނާގެ އަމަލުތައް ހުރުމުން އެކަން ހުއްޓާލައި "އަނގަ މައިތިރި ކުރަން" ކޯޓް ތެރޭގައި އޭނާ އަށް އިޝާރާތް ކުރި މީހަކަށް އިންޒާރު ދެމުން އަދިތިޔާ ބުނީ "ކަލޭ މާ ވާހަކަ ގިނަ ކުރަން ނަހަދަން އެދޭ" ކަމަށާއި "އެހެން ނޫނީ ކަލޭ ތި ހުރި އިސްކޮޅަށް ވުރެ އިތުރަށް ދިގު ވެދާނެ" ކަމަށެވެ.
ކޯޓް ތެރޭގައި އަދިޔާ ހާޖާނު އުފެއްދި ވަގުތު ޖަޖް އެ ވަގުތު ކޯޓް ތެރޭގައި ނޫޅުއްވަ އެވެ.
ފުލުހުން އަދިތިޔާ އާދީއްތަ ދުވަހު ހެނދުނު ހައްޔަރު ކުރީ އޭނާ ދިޔަ ހޮޓަލެއްގައި ހިންދީ ލަވައިގެ ބަދަލުގައި އިނގިރޭސި ލަވަ ޖަހާތީ، ލަވަ ބަދަލުކޮށް ދޭން އެދުމުން އެކަމަށް ހޮޓަލުގެ މެނޭޖްމަންޓުން އިންކާރު ކުރުމުން އެތަނުގެ ސެކިއުރިޓީ ގާޑަކަށް ހަމަލާދީ ބޯ ފަޅާލި މައްސަލައިގަ އެވެ.
މި މައްސަލާފައި އޭނާ ހައްޔަރު ކުރި ނަމަވެސް ފަހުން ވަނީ ކަފާލާތުގެ ދަށުން ދޫކޮށްލައިފަ އެވެ.