ރައްޔިތުންގެ މަޖިލީހަށް މިއަދު ހުށަހެޅި އަންނަ އަހަރުގެ ބަޖެޓު ދިރާސާ ކުރާ ކޮމިޓީގެ މުގައްރިރަކަށް ކިނބިދޫ ދާއިރާގެ އެމްޑީޕީ މެންބަރު މުޙައްމަދު ނާޝިޒާއި ނައިބު މުގައްރިރަކަށް އަލިފުށީ ދާއިރާގެ އެމްޑީޕީގެ މެންބަރު މުހައްމަދު ރަޝީދު (ބިގޭ) އައްޔަންކޮށްފި އެވެ.
އެ ދެ މެންބަރުން އެ މަގާމުތަކަށް އައްޔަންކުރެއްވީ މިއަދު ބޭއްވި ބަޖެޓު ދިރާސާ ކުރާ ކޮމިޓީގެ ބައްދަލުވުމުގައެވެ. ނާޝިޒާއި ބިގޭ ވެސް އައްޔަންކުރީ، ކޮމިޓީއަށް ވަޑައިގެން ތިއްބެވި 15 މެމްބަރުންގެ އަޣުލަބިއްޔަތުންނެވެ.
އަންނަ އަހަރަށް ލަފާކޮށް މަޖިލީހަށް ހުށަހެޅީ 49.5 ބިލިއަން ރުފިޔާގެ ބަޖެޓެކެވެ.