ފަލަސްތީނަށް އެހީވާން ފެން ކުންފުނިން 50،000ރ. ހަދިޔާކޮށްފި އެވެ
އެމްޑަބްލިއުއެސްސީން ބުނީ މ ދަތިކަމުގެ ދަނޑިވަޅުގައި، ފަލަސްތީނުގެ ރައްޔިތުންނަށް އެހީގެ ގޮތުގައި 500،000 ރުފިޔާ ހަދިޔާ ކުރުމަކީ ލިބޭ ވަރަށް ބޮޑު ޝަރަފެއް ކަމަށެވެ. އެ ފައިސާ ހަވާލުކުރީ ދިވެހި ރެޑް ކްރެސެންޓާ އެވެ.
"މި ހަދިޔާއަކީ ފަލަސްތީނުގެ ރައްޔިތުންނާ އެކު އަޅުގަނޑުމެން ފަސްނުޖެހި އެއްބައިވަންތަކަމާ އެކު ތިބިކަމުގެ ރަމްޒެއްގެ ގޮތުގައި ދިން ހަދިޔާއެއް. އަޅުގަނޑުމެންގެ މެނޭޖްމަންޓާއި މުވައްޒަފުން މިތިބީ ފަލަސްތީނުގެ ރައްޔިތުންގެ އަމާންކަމަށް ކުރަމުންދާ މަސައްކަތުގައި ފަސްޖެހުމެއްނެތި، ސާބިތުކަން މަތީގައި." ފެން ކުންފުނިން ބުންޏެވެ.
ސަރުކާރުގެ އެކި ކުންފުނިތަކުން މިހާތަނަށް ފަލަސްތީނަށް އެހީވާބް ފައިސާ ހަދިޔާކޮށްފައިވެ އެވެ. އަދި ރާއްޖޭގައި ކައުންސިލްތަކާއި ޖަމިއްޔާ ޖަމާއަތްތަކުން ވެސް އަންނަނީ ފަލަސްތީނަށް އެހީވާން ފަންޑް އެއްކުރަން ތަފާތު އެކި ކަހަލަ ހަރަކާތްތައް ބާއްވަމުންނެވެ.
އެގޮތުން މިހާތަނަށް އިންޓަނޭޝަނަލް އެއިޑް ކެމްޕޭން (އައިއޭސީ) އާއި ދިވެހި ރެޑް ކްރެސެންޓާއި ހިދުމަތް ޖަމިއްޔާ އަށް އެކި ފަރާތްތަކުން ފަލަސްތީނަށް އެހީވާން ފައިސާ ހަދިޔާކޮށްފައިވެ އެވެ.