ރާއްޖޭގެ އިންތިހާބީ ރައީސް ޑރ. މުހައްމަދު މުއިއްޒު ހުވާކުރައްވާ ރަސްމިއްޔާތުގައި އިންޑިއާ ސަރުކާރުގެ ފަރާތުން އެ ގައުމުގެ އާތު ސައިންސެސް މިނިސްޓަރު ބައިވެރިވެވަޑައިގަންނަވާ ގޮތަށް ހަމަޖެހިއްޖެ އެވެ
އެކަން އިންޑިއާ ސަރުކާރުން މިއަދު ހާމަކޮށްފައިވެ އެވެ.
India's Minister of Earth Sciences Kiren Rijiju @KirenRijiju to represent India at the oath taking ceremony of New Maldives Prez Mohamed Muizzu. Official announcement by India: https://t.co/kuuaTYsJyd pic.twitter.com/bhBRdcHnYY
— Sidhant Sibal (@sidhant) November 15, 2023
އިންޑިއާގެ ބޮޑުވަޒީރު ނަރެންދުރަ މޯދީ އަކީ މުއިއްޒުގެ ހުވާގެ ރަސްމިއްޔާތަށް ދައުވަތު ދިން ބޭރުގެ ވެރިންގެ ތެރެއިން އެއް ބޭފުޅެވެ. ނޮވެމްބަރު 17، 2018 ގައި ރައީސް އިބްރާހީމް މުހައްމަދު ސޯލިހު ހުވާކުރެއްވި ރަސްމިއްޔާތުގައި މޯދީ ބައިވެރިވެވަޑައިގަތެވެ.
މުއިއްޒު ހުވާކުރައްވަން ހަމަޖެހިފައި ވަނީ އަންނަ ހުކުރު ދުވަހު ހަވީރު އެވެ.
އެ މަނިކުފާނު ސަރުކާރާ ހަވާލުވެވަޑައިގަތުމަށް ފަހު އެންމެ ފުރަތަމަ ކުރައްވަން ހަމަޖެހިފައިވާ ކަންކަމުގެ ތެރެއިން އެއް ކަމަކީ ރާއްޖޭގައި ތިބި އިންޑިއާ ސިފައިން ފޮނުވައިލުމެވެ. މުއިއްޒު ނިސްބަތްވާ ޕީޕީއެމް/ޕީއެންސީ އަކީ އިންޑިއާ ސިފައިން ރާއްޖެ އިން ބާލަން ގޮވާލައި "އިންޑިއާ އައުޓް" ގެ ނަމުގައި ކެމްޕޭނެއް ވެސް ހިންގި ކޯލިޝަނެކެވެ.