ކައިވެންޏާއޮ ވަރީގެ މުއާމަލާތްތަކާ ގުޅުންހުރި ފޯމުތައް އޮންލައިންކޮށް ހުށަހެޅޭ ޕޯޓަލްއެެއް ތައާރުކޮށްފި އއެވެ.
ޑިޕާޓްމެންޓު އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން "ކައިވެނި ޕޯޓަލް" ގެ ނަމުގައި ލޯންޗްކުރި މި ޕޯޓަލް މެދުވެރިކޮށް ކައިވެންޏާއި ގުޅުންހުރި ފޯމުތައް އަދި ހުށަހެޅޭނީ ހަމައެކަނި މެޖިސްޓްރޭޓް ކޯޓުތަކަށެވެ.
ހަމައެކަނި މެޖިސްޓްރޭޓް ކޯޓުތަކަށް ފޯމު ހުށަހެޅޭ ގޮތަށް ޕޯޓަލް ލޯންޗްކުރި އިރު، އެއީ މީގެ ފުރަތަމަ ފިޔަވަހި ކަމަސް ޑީޖޭއޭ އިން ބުންޏެވެ.
ނަމަވެސް ކުރިއަށް އޮތް ތަނުގައި ފެމިލީ ކޯޓަށް ވެސް ޕޯޓަލް މެދުވެރިކޮށް ފޯމު ހުށަހެޅޭ ގޮތަށް ހަދާނެ އެވެ. މާލޭގައި އުޅޭ މީހުންނާއި، މާލެ ކައިރީ ރިސޯޓުތައް އަދި ސިނާއީ މަސައްކަތްތައް ކުރާ ރަށްރަށުގައި އުޅޭ މީހުންގެ ވަރި/ކައިވެނީގެ މައްސަަލަތައް ހުށަހަޅަނީ ފެމިލީ ކޯޓަށެވެ. ޑީޖޭއޭ އިން ބުނި ގޮތުގައި އެއީ އެފަދަ މައްސަލަތަކުގެ 40 ޕަސެންޓެވެ.
"ކައިވެނި ޕޯޓަލް" އަކީ ޔޫއެންޑީޕީއާ ގުޅިގެން ބްރިޓިޝް ހައި ކޮމިޝަނުގެ އެހީގައި ޑީޖޭއޭ އިން ތަރައްގީކުރަމުން އަންނަ ޕޯޓަލެކެވެ. މީގެ މައިގަނޑު މަގުސަދަކީ ކޯޓުތަކުން ދޭ ހިދުމަތްތަކާއި އެ ހިދުމަތްތައް ހޯދާ މީހުންނަށް ލުއި ފަސޭހަކުރުން ކަމަށް ޑީޖޭއިން ބުންޏެވެ.