ޕްރިންސިޕަލުން ތަމްރީނު ކުރިއަށް ގެންދާ ސްކޮލަޝިޕްގެ ޕްރޮގްރާމްގެ ދެވަނަ ބުރުގައި ހަ ބޭފުޅަކަށް ސްކޮލަޝިޕް ދީފި އެވެ.
އެ ފުރުސަަތު ލިބިވަޑައިގަތް ބޭފުޅުންނާ އިއްޔެ ހަވާލުކޮށްދެއްވީ އެޑިއުކޭޝަން މިނިސްޓަރު ޑރ. އައިޝަތު އަލީ އެވެ.
ސްކޮލަޝިޕް ޕްރޮގްރާމްގެ ދެވަނަ ބުރަށް ކުރިމަތިލާން މިނިސްޓްރީން ފުރުސަތު ހުޅުވީ މި އަހަރުގެ ޖޫން މަހުގެ ތެރޭގަ އެވެ. އެއީ 10 ފުރުސަތަށެވެ. އިއްޔެ ހަވާލުކުރީ އޭގެ ތެރެއިން ހަ ސްކޮލަޝިޕެވެ.
މި ސްކޮލަޝިޕް ޕްރޮގްރާމްގެ ފުރަތަމަ ބުރުގައި މެލޭޝިއާގެ ޔުނިވަސިޓީއަކުން 17 ޕްރިންސިޕަލަކު މާސްޓާސް ފެންވަރަށް ތައުލީމް ހާސިލުކުރައްވާފައިވެ އެވެ. އަދި އެ ބޭފުޅުން މިހާރު އަންނަނީ އެކި ސްކޫލްތަކުގައި މަސައްކަތް ކުރައްވަމުންނެވެ.