ދިވެހި ބަހާއި ސަޤާފަތާއި ތަރިކައާ ބެހޭ ވަޒީރު އާދަމް ނަސީރު އިބްރާޙީމް ފަލަސްތީނުން ދިވެހިރާއްޖެއަށް ކަނޑައަޅާފައި ހުންނަވާ ސަފީރު ވާލިދު އަބޫ އަލީއާއި ބައްދަލު ކުރައްވައިފިއެވެ.
މި ބައްދަލުވުމުގައި މައިގަނޑު ގޮތެއްގައި މަޝްވަރާކުރައްވާފައިވަނީ މި ވަގުތު ގައްޒާގެ ހާލަތާއި ގުޅޭ ގޮތުންނެވެ. މީގެ އިތުރުން ދިވެހިންގެ މެދުގައި ފަލަސްތީނާ މެދު އޮތް ލޯބި ފެނި މި ހިތްދަތި ދަނޑިވަޅުގައި ދިވެހި ރައްޔިތުންގެ ފަރާތުން ފަލަސްތީނުގެ ރައްޔިތުންނަށް ވެދެއްވާ އޯގަތެރިކަމާއި ބަހައްޓަވާ ގާތްކަން ސަފީރު ފާހަގަ ކުރެއްވިއެވެ. އަދި މިކަން މިގޮތަށް ދަމަހައްޓަވައި ދެއްވުމަށާއި އަޑު އުފުލުން މަތީ ދެމި ތިއްބެވުމަށް އެމަނިކުފާނު ވަނީ ދިވެހިންގެ ކިބައިން އެދިވަޑައިގެންފައެވެ.
މި ބައްދަލުވުމުގައި، ވަޒީރު އާދަމް ނަސީރު އިބްރާޙީމް ވަނީ ފަލަސްތީނުގެ ހާލަތަކީ ދިވެހި އެންމެ ހަގު އުމުރުފުރާއިން ފެށިގެން އެންމެ ދޮށީ އުމުރުފުރާއަށްވެސް، އެ ޝުޢޫރެއްގެ ގޮތުގައި އޮތް މައްސަލައެއް ކަމަށް ވިދާޅުވިއެވެ.
ފަލަސްތީނުން ރާއްޖެއަށް ކަނޑައަޅުއްވާފައި ހުންނަވާ ސަފީރަކީ، މެލޭޝިއާގައި ޤާއިމް ހުންނަވާ ސަފީރެވެ. އަދި ރާއްޖެއަށް ފަލަސްތީނު ސަރުކާރުން ކަނޑައަޅާފައި ހުންނަވާ ނޮން ރެޒިޑެންޓް އެމްބެސެޑަރ އެެވެ.