މިއަދުން ފެށިގެން ސަރުކާރުގެ ހުރިހާ މުއައްސަސާއެއްގައި ގައުމީ ދިދަ 24 ގަޑިއިރު ނަގައިފައި ބަހައްޓާ ގޮތަށް ރައީސް ޑރ. މުޙައްމަދު މުޢިއްޒު ހަމަޖައްސަވައިފި އެވެ.
ގައުމީ ދިދަ 24 ގަޑިއިރު ނަގައިފައި ބެހެއްޓުމާ ބެހޭ ގޮތުން، މުޢިއްޒު ދިވެހި ޒަޢާމަތާ ހަވާލުވެވަޑައިގެން ޤައުމާ މުޚާޠަބު ކުރައްވައި ދެއްވި ފުރަތަމަ ތަޤުރީރުގައި ވެސް އަލިއަޅުއްވާލެއްވި އެވެ.
އެގޮތުން، ފަޚުރުވެރި ދިވެހި ދިދަ އަކީ، ރާއްޖޭގެ ކޮންމެ ކަންކޮޅެއްގައި، ކޮންމެ ތަނެއްގައި ތިރިކުރުމެއް ނެތި ރެޔާއި ދުވާލު 24 ގަޑިއިރު ޝަރަފާއި ޢިއްޒަތާ އެކު ވިހުރި ވިހުރި ހުންނާނެ އެންމެ އިއްޒަތްތެރި ނިޝާންގެ ގޮތުގައި އެ މަނިކުފާނު ދިވެހި ޤައުމީ ދިދަ ސިފަކުރައްވާފައިވެ އެވެ.