ރާއްޖޭގެ އާ ރައީސް ޑރ. މުހައްމަދު މުއިއްޒަކީ ރައްޔިތުންނަށް ހެޔޮ ވެރިކަމެއް ކޮށް ދެއްވާނެ ބޭފުޅަކަށް ވުން އެދި ދުއާކުރައްވާ ކަމަށް ކުރީގެ ހޯމް މިނިސްޓަރު އިމްރާން އަބްދުﷲ ވިދާޅުވެއްޖެ އެވެ.
އާ ސަރުކާރަށް މަރުހަބާ ދަންނަވައި އަދާލަތުގެ ޕާޓީގެ ރައީސް ސޯޝަލް މީޑިއާ ޕޯސްޓެއްގައި ވިދާޅުވީ ދިވެހި ރައްޔިތުން ދެއްވި މޭންޑޭޓާ އެއްގޮތަށް، ކުރިއަށް އޮތް ފަސް އަހަރަކީ ދިވެހި ގައުމަށް ލާބަޔާ މަންފާ ލިބިގެންދާނެ ފަސް އަހަރަށް ވާނެ ކަމަށް އުންމީދު ވެސް ކުރައްވާ ކަމަށެވެ.
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒާއި ރައީސުލް ޖުމްހޫރިއްޔާގެ ނައިބު އަދި ކެބިނެޓްގެ އެންމެހައި ވަޒީރުންނަށް މަރުޙަބާ ދަންނަވަން.
ދިވެހި ލޮބުވެތި ރައްޔިތުން ތިޔަބޭފުޅުންނަށް ދެއްވި މޭންޑޭޓާ އެއްގޮތަށް، ކުރިއަށް މި އޮތް 5 އަހަރަކީ ދިވެހި ޤައުމަށް ލާބަޔާ މަންފާ… pic.twitter.com/hrzrFH03KO— Imran Abdulla (@ShimranAb) November 18, 2023
"ހެޔޮ ވެރިކަމެއް ކުރުމުގެ ތައުފީޤު ތިޔަ ބޭފުޅުންނަށް މިންވަރު ކޮށްދެއްވުން އެދި ދުޢާކުރަން،" އިމްރާން ވިދާޅުވި އެވެ.
އިމްރާނަކީ ރިޔާސީ އިންތިހާބުގެ ކެމްޕޭންގެ ތެރޭގައި މުއިއްޒަށް ވަރަށް ބޮޑަށް ފާޑު ވިދާޅުވެފައިވާ ބޭފުޅެކެވެ.