ފަލަސްތީނުގެ ރައްޔިތުންނަށް ދެމުންދާ ހަމަލާތައް ހުއްޓާލުމަށް ދިވެހި ރާއްޖޭގެ ޙާރިޖީ ވަޒީރު މޫސާ ޒަމީރު ގޮވާލައްވައިފިއެވެ.
ފަލަސްތީނުގެ ރައްޔިތުންނަށް އިޒްރޭލުން ދެމުންދާ ހަމަލާތަކާއި ދެކޮޅަށް މިއަދު ފޮރިން މިނިސްޓްރީ ދޮށަށް އެއްވެ ވަނީ މުޒަހަރާކޮށްފައެވެ. އެ މުޒަހަރާތަކުގައި މައިގަނޑު ގޮތެއްގައި ގޮވާލަމުން ދިޔައީ، އިޒްރޭލު ޕާސްޕޯޓު ބޭނުންކޮށްގެން ރާއްޖެ އެތެރެވުން ހުއްޓުވުމަށާއި ސަރުކާރުން ހަމަލާތައް ހުއްޓާލުމަށް ރަސްމީކޮށް ގޮވާލުމަށެވެ. މިކަމާއި ގުޅިގެން މިނިސްޓަރ މޫސާ ޒަމީރު ވަނީ ފޮރިން މިނިސްޓްރީ ދޮށަށް އެއްވެ ތިބި ފަރާތްތަކާއި ބައްދަލު ކުރައްވާ މުޒާހަރާގައި ބައިވެރިވެވަޑައިގެންފައެވެ.
The Maldivian Foreign Minister @MoosaZameer passionately advocates for an immediate ceasefire, chanting 'cease-fire now, cease-fire now.' Admirable courage and solidarity with Palestine. We stand united in support. @MMuizzu pic.twitter.com/Kk3AHx2Bv4
— Shiham Waheed ⚖️ (@ShihamWaheed) November 20, 2023
މުޒާހަރާގެ ބައިވެރިން ވަނީ މިނިސްޓަރަށް އެ ފަރާތްތަކުގެ ހުރި ކަންބޮޑުވުންތައް ހިއްސާކޮށްފައެވެ. އަދި ފަލަސްތީނު މައްސަލާގައި ސަރުކާރުގެ ސާފު ސްޓޭންޑަކަށް އެ ފަރާތްތަކުން ދިޔައީ ގޮވާލަމުންނެވެ. މުޒާހަރާގެ ބައިވެރިންނާއި ވާހަކަ ދައްކަވަމުން މިނިސްޓަރ ޒަމީރު ވިދާޅުވީ ރައިސް ޑރ. މުހައްމަދު މުއިއްޒުގެ ސަރުކާރުން މިކަމާއި ގުޅޭ ގިނަ ފަރާތްތަކާއި ބައްދަލު ކުރައްވާފައި ކަމަށެވެ.
"ރައީސް މިދިޔަ ދުވަސްތަކުގެ ތެރޭގައި އޯއައިސީގެ އެސިސްޓެންޓް ސެކެރެޓަރީ ޖެނެރަލް އާއި ބައްދަލު ކުރެއްވި. އޭގެ އިތުރުން ފަލަސްތީނުގެ ސަފީރާއި ބައްދަލު ކުރެއްވި. ވަރަށް ގިނަ ޤައުމުތަކުގެ ސަފީރުންނާއި އެކި ލެވެލްތަކުގެ ބޭފުޅުންނާއި ބައްދަލު ކުރެވި، ހުރިހާ ބޭފުޅުންގެ އަރިހުގައިވެސް ވިދާޅުވެފައި އޮތީ އިމީޑިއޭޓް ސީސްފަޔަރއެއް އަޅުގަނޑުމެން ބޭނުންވާ ވާހަކަ " މިނިސްޓަރ ޒަމީރު ވިދާޅުވިއެވެ.
Joined President Dr @MMuizzu on the call by @OIC_OCI Assistant Secretary General H.E. Yousef Al-Dobeay where we discussed cooperation on peace & prosperity of Islamic nations. Expressed unwavering support to the Palestinian cause, with a call for an immediate ceasefire in Gaza. pic.twitter.com/Tuz8PgDXGK
— Moosa Zameer (@MoosaZameer) November 19, 2023
ޙާރިޖީ ވަޒީރު ވިދާޅުވި ގޮތުގައި ރާއްޖޭގެ ސްޓޭންޑަކީ 1967 ބޯޑަރަށް އިޔާދަވެ، ފަލަސްތީނަކީ މިނިވަން ދައުލަތެއްގެ ގޮތުގައި ބަލައިގަނެ ޤައުމެއްގެ ގޮތުގައި އޮޕަރޭޓް ކުރެވޭނެ ޖާގަ ދޭން ޖެހޭ ކަމަށެވެ.
"މިއަދުވެސް އަޅުގަނޑު ދެ ސަފީރުންނާއި ބައްދަލުކޮށްފަ އަޅުގަނޑުގެ ކޮންސާނާއި، ހަމަ އޭގެ އިތުރުން އަޅުގަނޑުމެންނަށް އިމީޑިއަޓް ސީޒްފަޔަރ އެއް ބޭނުންވާ ކަމަށާއި އަދި އޭގެ އިތުރުން ހިއުމަނަޓޭރިއަން ކޮރިޑޯސް ހުޅުވުން އަޅުގަނޑުމެންނަށް މުހިންމު ކަމެއްގެ ގޮތުގައި ވަނީ ފާހަގަކޮށްފަ " މިނިސްޓަރ ޒަމީރު ވިދާޅުވިއެވެ.
މި މުޒަހާރާގެ ތެރެއިން މިނިސްޓަރ ޒަމީރު މުޒަހާރާގެ ބައިވެރިންނާއިއެކު "ސީޒް ފަޔަރަ ނޮވް" ޝިޢާރު ބޭނުން ކުރައްވާ މުޒަހަރާގެ ބައިވެރިންނާއިއެކު އެކަމަށް ގޮވާލައްވާފައެވެ.
މިސަރުކާރު ހަވާލުވި ފަހުން ނެރެފައިވާ ބަޔާންތަކުގައިވެސް އަދި ރައީސް ހުވައި ކުރުމުގެ ރަސްމީއްޔާތުގައި ދެއްކެވި ވާހަކަފުޅުގައިވެސް ފަލަސްތީނުގެ ވާހަކަ ނެތުމުން ބައެއް ފަރާތްތަކުން ވަނީ ކަންބޮޑުވުން ފާޅުކޮށްފައެވެ. ނަމަވެސް އީއްޔެ ބޭއްވި ނޫސްވެރިންގެ ބައްދަލުވުމެއްގައި ސަރުކާރުން ވަނީ ފަލަސްތީނުގެ ރައްޔިތުންނާއި ދެކޮޅަށް ހިންގަނީ ޤަތުލްޢާމެއް ކަމަށް ވިދާޅުވެފައެވެ.