އާ ސަރުކާރުގެ ހޯމްލޭންޑް މިނިސްޓްރީގެ ދަށުގައި ހުރި އިދާރާތަކުގެ ގުދަންތަކާއި ބައެއް އިމާރާތްތަކަށް ޒިޔާރަތްކުރައްވައި މިނިސްޓަރު އަލީ އިހުސާސް އެ ތަންތަނުގެ ހާލަތު ބައްލަވާލައްވައިފި އެވެ.
ހޯމްލޭންޑް ސެކިއުރިޓީ އެންޑް ޓެކްނޮލޮޖީގެ މިނިސްޓްރީގެ ދަށަށް ބަދަލުކުރި އިދާރާތަކުގެ ތެރޭގައި އިމިގްރޭޝަނާއި ކަސްޓަމްސް އަދި ޑިޕާޓްމަންޓް އޮފް ނެޝަނަލް ރެޖިސްޓްރޭޝަން (ޑީއެންއާރް) ހިމެނެ އެވެ.
މިނިސްޓަރ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީ @min_mohst ޢަލީ އިޙްސާން، މިނިސްޓްރީގެ ދަށުގައިވާ ބައެއް ޢިމާރާތްތަކާއި ގުދަންތައް ބައްލަވާލައްވައިލެއްވުން. މިނިސްޓަރގެ އަރިހުގައި މިނިސްޓްރީގެ ޕާމަނަންޓް ސެކްރެޓަރީ އާއި މިނިސްޓްރީގެ އިސްވެރިން ބައިވެރިވެވަޑައިގެންނެވި. pic.twitter.com/b5pOjhmovf
— Ministry of Homeland Security & Technology, MV (@HomeMinistrymv) November 22, 2023
އެގޮތުން މިނިސްޓްރީގެ ދަށުގައި ހުރި ތަންތަންތަނުގެ ގުންދަތަކަށް ޒިޔާރަތްކުރެއްވުމާ ބެހޭ ގޮތުން މިނިސްޓަރު އިހުސާން ވިދާޅުވީ އެތަންތަނުގެ ހާލަތު ބެއްލެވުމުގެ ބޭނުމަކީ އެތަންތަން ބޭނުން ކުރާނެ އެންމެ އެކަށީގެންވާ ގޮތްތައް ކަނޑައެޅުމާއި އެ ތަންތަނުގައި ހުރި ބާވެ ނީލަން ކިޔަން ޖެހޭ ސާމާނު ހުރިތޯ ބަލައި އެކަންކަން ކުރަން ކަމަށެވެ.
އާ ސަރުކާރުގެ މިނިސްޓަރުން ގެންދަވަން އެ މިނިސްޓްރީއަކާ ގުޅުން ހުރި ތަންތަނަށް ޒިޔާރަތްކުރައްވައި މުވައްޒަފުންނާ ވެސް ބަައްދަލުކުރައްވައި ހާލަތު ބައްލަވަމުންނެވެ.