އެސްޓީއޯ ޕީޕަލް ޗޮއިސް އިން އެތެރެކޮށް، ވިއްކާ ތުރުކީގެ "އަންކާރާ" ބްރޭންޑުގެ ޕާސްތާ އަށް ހާއްސަކޮށްގެން ކުރިއަށް ގެންދާ މި އަހަރުގެ "އަންކާރާ ފެސްޓިވަލް" އަންނަ ހޮނިހިރު ދުވަހުގެ ބާއްވަން ނިންމައިފި އެވެ.
ހިލޭ ވަދަވޭ ގޮތަށް މި އިވެންޓް އޮންނާނީ ގައުމީ ޔުނިވާސިޓީގައި އެރޭ 8:00-10:30 އަށެވެ. އެސްޓީއޯ އިން ބުނީ "އަންކާރާ ފެސްޓިވަލް" ބާއްވަނީ އެމްއެންޔޫގެ ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީސްއާ ގުޅިގެން ކަމަށެވެ.
މި އިވެންޓުގައި އަންކާރާ ޕާސްތާގެ ރަހަ ހިލޭ ތަޖުރިކޮށްލުމުގެ ފުރުސަތު ހިތްގައިމު މާހައުލެއްގައި ލިބިގެން ދާނެ އެވެ. އިވެންޓުގައި ބައިވެރިވެގެން އިނާމު ހޯދުމުގެ ފުރުސަތު ވެސް އޮންނާނެ އެވެ.
އަންކާރާ ބްރޭންޑްގެ ޕާސްތާގެ ކްލެސިކް ރޭންޖާއި ވިޓަމިން ރޭންޖު، ތަރުކާރީބު ރޭންޖް، ހޯލް ވީޓް ފަދަ ގިނަ ވެރައިޓީތައް ހިމެނެ އެވެ.
މިދިޔަ އަހަރު ވެސް "އަންކާރާ ފެސްޓިވަލް" ބޭއްވި އިރު، އައްޑޫގައި ވެސް އިވެންޓެއް ބޭއްވި އެވެ.