މިހާރުގެ ރައީސް ޑރ. މުހައްމަދު މުއިއްޒު ވެރިކަމަށް ގެންނަން މަސައްކަތް ކުރެއްވި ގޮތަށް، އެ މަނިކުފާނުގެ ވެރިކަން ހިމާޔަތް ކުރަން ވެސް މަސައްކަތް ކުރައްވާނެ ކަމަށް އިސްލާމިކް މިނިސްޓަރު ޑރ،. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
ކުރީގެ ރައީސް އަބްދުﷲ ޔާމީނާއި އެ މަނިކުފާނަށް ވާގިވެރިވާ ބަޔަކު މުއިއްޒާ ދެކޮޅަށް ނުކުތުމާ ގުޅިގެން ޝަހީމް ރޭ ސޯޝަލް މީޑިއާ ޕޯސްޓެއްގައި ވިދާޅުވީ އާ ސަރުކާރަކީ ރައްޔިތުން ވަރަށް ބުރަ މަސައްކަތްކޮށްގެން ގާއިމުކުރި ވެރިކަމެއް ކަމަށެވެ.
"މުއިއްޒު މި ގައުމުގެ ވެރިކަމަށް ގެންނަން މަސައްކަތްކުރި ފަދައިން ވެރިކަން ހިމާޔަތްކޮށް، ދަމަހައްޓަން ކުރަން ޖެހޭ ކަންކަން ވެސް ކުރާނަން." ޔާމީންގެ ސަރުކާރުގައި ވެސް އިސްލާމިކް މިނިސްޓަރުކަން ކުރެއްވި ޝަހީމު ވިދާޅުވި އެވެ.
މުއިއްޒާ ދެކޮޅަށް ޔާމީން ނުކުންނެވުމާ ގުޅިގެން އެކިއެކި ވަޒީރުން މިހާރު ގެންދަވަނީ ރައީސް މުއިއްޒާ އެކީ ސާބިތުވެ ތިއްބެވެކިން ހާމަކުރައްވަމުންނެވެ.
ޔާމީން މިހާރު ގެންދަނީ އާ ޕާޓީއެއް އުފައްދަން މަސައްކަތް ކުރަމުންނެވެ. އެގޮތުން ޕާޓީ އުފެއްދުމުގެ ހުއްދަ އަށް އެދި މާދަމާ އިލެކްޝަން ކޮމިޝަން (އީސީ) އަށް ހުށަހަޅަން ނިންމާފައިވެ އެވެ.