ގްރޭޑް 10 ގެ ދަރިވަރުންގެ މި އަހަރުގެ ދެވަނަ ޓާމްގެ އިމްތިހާނު އަންނަ އަހަރުގެ ރޯދައިގެ ކުރިން ބާއްވަން އެޑިއުކޭޝަން މިނިސްޓްރީން އަންގައިފި އެވެ.
މިނިސްޓްރީން ސްކޫލްތަކަށް ފޮނުވު ސާކިއުލާއެއްގައި ބުނީ އެ އިމްތިހާނު އަންނަ އަހަރުގެ ފެބްރުއަރީ 25 އާއި މެއި 14 ދެމެދު ބާއްވަން ޖެހޭނެ ކަމަށެވެ. މިނިސްޓްރީން ބުނީ ގްރޭޑް 10 ގެ ދަރިވަރުންގެ އިމްތިހާނު ރޯދައިގެ ކުރިން ބާއްވަން ސްކޫލްތަކުން އެދެމުން ވެސް ދާތީ ކަމަށެވެ.
ކުރިއަށް އޮތް ރޯދަ މަސް ފެށޭނީ މާޗް 10 ގަ އެވެ.
ގްރޭޑް 10 ގެ ދަރިވަރުންގެ ދެވަނަ ޓާމްގެ އިމްތިހާބަށް ގެނައި ބަދަލާ ގުޅިގެން އޯ ލެވެލް އިމްތިޙާނު އޮންނާނީ މެއި/ޖޫންގަ އެވެ.
މިހާރު ދިރާސީ އަހަރު ފަށަނީ އަހަރުގެ މެދުތެރޭގަ އެވެ. މި އަހަރުގެ ދިރާސީ އަހަރު ފެށީ އޮގަސްޓް 6 ގަ އެވެ.'
ނަމަވެސް ރައީސް ޑރ. މުހައްމަދު މުއިއްޒުގެ ސަރުކާރުގެ ވިސްނުމަކީ މީގެ އަހަރުތަކެއް ކުރިން އޮތް ގޮތަށް ޖެނުއަރީ އަށް ދިރާސީ އަހަރު ފެށުން ބަދަލުކުރުމެވެ. އަމާޒަކީ އެ ބަދަލު 2025 ގައި ގެނައުމެވެ.