ގައުމާއި ރައްޔިތުންގެ އުންމީދުތައް އެހެން އެއްވެސް ބަޔަކާއި އެއްޗަކަށް ވުރެ ކަމަކަށް ވުރެ ބޮޑު ކަމަށް ފޮރިން މިނިސްޓަރު މޫސާ ޒަމީރު ވިދާޅުވެއްޖެ އެވެ.
ކުރީފެ ރައީސް އަބްދުﷲ ޔާމީން، މިހާރުގެ ރައީސް ޑރ. މުހައްމަދު މުއިއްޒާ ދެކޮޅަށް ނުކުންނެވުމާ ގުޅިގެން އާ ސަރުކާރުގެ ދިފާއުގައި ފޮރިން މިނިސްޓަރު ވިދާޅުވީ ކުރިއަށް އޮތް ފަސް އަހަރަށް ދިވެހި ރައްޔިތުން ނިންމާފައިވާ ނިންމުމާ އެއްގޮތަށް، ޕީޕީއެމް/ޕީއެންސީގެ ސަރުކާރެއް އެކުލަވާލައި ރައްޔިތުންނަށް ޚިދުމަތްކުރަން މިހާރު ފެށުނީ ކަމަށެވެ.
ކުރިއަށް އޮތް 5 އަހަރަށް ދިވެހި ރައްޔިތުން ނިންމާފައިވާ ނިންމުމާ އެއްގޮތަށް، ޕީޕީއެމް-ޕީއެންސީގެ ސަރުކާރެއް އެކުލަވާލައި ރައްޔިތުންނަށް ޚިދުމަތްކުރަން ފެށިފައިވާއިރު، އަޅުގަނޑުމެން މިތިބީ ރައީސުލްޖުމްހޫރިއްޔާ ޑރ. @MMuizzu އާއެކު.
ޕީޕީއެމް-ޕީއެންސީއާ އެކު އިޚްލާސްތެރިކަމާ އެކު… pic.twitter.com/85WswXT6s1
— Moosa Zameer (@MoosaZameer) November 24, 2023
"އަޅުގަނޑުމެން މި ތިބީ ރައީސުލްޖުމްހޫރިއްޔާ އާއެކު." ޔާމީން ސަރުކާރުގެ ޓޫރިޒަމް މިނިސްޓަރު ވިދާޅުވި އެވެ.
"އޭނަ ވިދާޅުވީ ޕީޕީއެމް/ޕީއެންސީން އިހުލާސްތެރިކަމާ އެކު ކުރިއަށް ގޮސް ރައީސް މުއިއްޒު ރައްޔިތުންނަށް ހުށައަޅުއްވާފައިވާ ސިޔާސަތުތައް ތަންފީޒު ސާބިތުވެ ދެމި ތިބޭނެ ކަމަށެވެ.
"މިއީ ދިވެހި ޤައުމަށާއި ރައްޔިތުންނަށް އުފާ ފާގަތިކަން ލިބެން އޮތް މަގު. ޤައުމާއި ރައްޔިތުންގެ އުންމީދުތައް އެހެން އެއްވެސް ބަޔަކާއި އެއްޗަކާއި ކަމަކަށް ވުރެ ބޮޑު." ޒަމީރު ވިދާޅުވި އެވެ.
ޔާމީން މިހާރު ގެންދަވަނީ އާ ޕާޓީއެއް އުފައްދަވަން މަސައްކަތް ކުރައްވަމުންނެވެ. އެގޮތުން ޕާޓީ އުފެއްދުމުގެ ހުއްދަ އަށް އެދި މާދަމާ އިލެކްޝަން ކޮމިޝަން (އީސީ) އަށް ހުށަހަޅަން ނިންމާފައިވެ އެވެ.