މަންމަ އާއި އާއިލާގެ އިތުރު މީހަކަށް މަރުގެ އިންޒާރު ދިން މައްސަލައެއްގައި މީހަކު ހައްޔަރުކޮށް އޭނަގެ ބަންދަށް މުއްދަތު ޖަހައިފި އެވެ.
މަންމަގެ އިތުރުން ޅިޔަނަކަށް މަރުގެ އިންޒާރު ދިން މައްސަލައިގައި ހައްޔަރުކުރީ ރ. ހުޅުދުއްފާރަށް ނިސްބަތްވާ 41 އަހަރުގެ ފިރިހެނެކެވެ. އެ މައްސަލައިގައި އޭނަ ހައްޔަރުކޮށް، ބަންދާ މެދު ގޮތެއް ނިންމަން ފުލުހުން އޭނަ ކޯޓަށް ހާޒިރުކުރުމުން ކްރިމިނަލް ކޯޓުން ވަނީ މުޖުތަމައުގެ ސަލާމަތާއި ރައްކާތެރިކަމަށްޓަކައި ބަންދަށް 15 ދުވަސް ޖަހައި ދީފަ އެވެ.
ބަންދު އަމުރުގައިވާ ގޮތުން އޭނަ ދޫކޮށްލައިފި ނަމަ ހެއްކަށް ނުފޫޒު ފޯރުވަން ވެސް މަސައްކަތްކޮށްފާނެ އެވެ.