އަންނަ އަހަރުގެ ފެބްރުއަރީ އިންޓޭކްގެ 89 ކޯހަކަށް ގައުމީ ޔުނިވަސިޓީން ހުޅުވާލައިފި އެވެ.
އެ ކޯސްތަކަށް ކުރިމަތިލުމުގެ ފުރުސަތު ދީފައި ވަނީ އަންނަ އަހަރުގެ ޖެނުއަރީ މަހުގެ 25 އާ ހަމައަށެވެ.
ފެބްރުއަރީގައި ފަށާ 89 ކޯހަކަށް ހުޅުވާލި އިރު، އޭގެ ތެރޭގައި 12 ދާއިރާއެއްގެ ކޯސްތައް ހިމެނެ އެވެ. އޭގެ ތެރޭގައި ގިނައީ ސިއްޙީ ދާއިރާ އާއި ތައުލީމީ ދާއިރާއާ ގުޅޭ ކޯސްތަކެވެ. އަދި އެންމެ ގިނައީ ސެޓްފިކެޓް ލެވެލްގެ ކޯސްތަކާއި ބެޗްލާސް ޑިގްރީ ފެންވަރުގެ ކޯސްތަކެވެ.
ގައުމީ ޔުނިވަސިޓީ އަކީ ރާއްޖޭގައި މަތީ ތައުލީމަށް އެންމެ ގިނަ ދަރިވަރުން ތަފާތު ދާއިދާތަކުން ކިޔަވަމުން އަންނަ އިންސްޓިޓިއުޓެވެ.