މަސްތުވާތަކެއްޗާ އެކީ އައްޑޫން ދެ މީހަކު ހައްޔަރުކޮށް، ބަންދަށް މުއްދަތު ޖަހައިފި އެވެ.
ފުލުހުން ބުނީ އެ ދެ މީހުންނަކީ މަރަދޫފޭދޫން ހައްޔަރުކުރި މީހަކާއި ހުޅުމީދޫން ހައްޔަރުކުރި މީހެއް ކަމަށެވެ. މިދިޔަ ބުރާސްފަތި ދުވަހު މަރަދޫފޭދޫ ގެ އެއް ކޯޓު އަމުރެއްގެ ދަށުން ބަލައި ފާސްކޮށް މަސްތުވާތަކެތި ކަަމަށް ބެލެވޭ އެއްޗެއްހުރި ތިންރަބަރު ޕެކެޓާއެކު ހައްޔަރުކޮށްފައި ވަނީ 43 އަހަރުގެ ދިވެހި ފިރިހެނެކެވެ.
މި މައްސަލައާ ގުޅިގެން އޭނާގެ ބަންދާމެދު ގޮތެއް ނިންމަން މަރަދޫފޭދޫ މެޖިސްޓްރޭޓް ކޯޓަށް ހާޒިރުކުރުމުން ބަންދަށް 15 ދުވަސް ޖަހާފައިވެ އެވެ.
ހުޅުމީދޫން މަސްތުވާތަކެއްޗާ އެކީ 29 އަހަރުގެ ދިވެހި ފިރިހެނަކު ހައްޔަރުކުރީ މި މަހުގެ 20 ގަ އެވެ. ފުލުހުން ބުނީ އޭނަ ހައްޔަރުކުރީ މަސްތުވާތަކެތި ގެންގުޅޭކަމަށް ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ކަމަށެވެ. އެގޮތުން އޭނަ ހުއްޓުވައި ބަލައި ފާސްކުރި އިރު މަސްތުވާތަކެތިކަމަށް ބެލެވޭ އެއްޗެއްހުރި ސެލޯފިންކޮޅެއް ފެނިފައިވެ އެވެ. ގުޅިގެންނެވެ.
އޭނަގެ ބަންދާ މެދު ގޮތެއް ނިންމަން މީދޫ މެޖިސްޓްރޭޓް ކޯޓަށް ހާޒިރުކުރުމުން ބަންދަށް 15 ދުވަސް ޖަހާފައިވެ އެވެ.
މި ދެ މައްސަލަ ވެސް ފުލުހުން މިހާރު އަންނަނީ އިތުރަށް ތަހުގީގު ކުރަމުންނެވެ.