ޑޮކްޓަރުކަން ކިޔަވަން ރާއްޖެ އިން ބޭރުން ލިބުނު ސްކޮލަޝިޕަކަށް ހަޔަ އެޑިއުކޭޝަން މިނިސްޓްރީޫން ހުޅުވާލައިފި އެވެ.
ކިއުބާގެ ލެޓިން އެމެރިކަން ޔުނިވަސިޓީ އޮފް މެޑިސިންފައި ކިޔަވަން ލިބުނު މި ސްކޮލަޝިޕަށް ކުރިމަތިލާން ޝައުގުވެރިވާ ފަރާތްތަކަށް އެޕްލައި ކުރުމުގެ ފުރުސަތު އަންނަ މަހުގެ 4 އާ ހަމައަށް ވަނީ ހުޅުވާލައިފަ އެވެ.
މީގެ ޝަރުތަކުގެ ތެރޭގައި ޖީސީއީ އޯލެވެލް/އައިޖީސީއެސްސީ އިމްތިޙާނުގެ ބަޔޮލޮޖީ، ކެމިސްޓްރީ އަދި ފިޒިކްސް ހިމެނޭ ގޮތަށް ފަސް މާއްދާއިން ސީ އިން މަތީ ގުރޭޑެއް ހޯދާފައިވުމާއި ބަޔޮލޮޖީ، ކެމިސްޓްރީ އަދި ފިޒިކްސް ނުވަތަ ހިސާބު ހިމެނެނޭ ގޮތަށް ތިން މާއްދާއިން ސީ އިން މަތިން ލިބިފައިވުން ހިމެނެ އެވެ. އަދި ކުރިމަތިލާ މީހުންނަކީ ޑިސެމްބަރު 15 އަށް 25 އަހަރު ފުރިފައި ނުވާ މީހަކަށް ވެސް ވާން ޖެހެ އެވެ. އަންހެނެއް ނަމަ މާބަނޑު މީހަކަށް ވެގެން ނުވާނެ އެވެ.
ސްކޮލަޝިޕް ލިބޭ މީހަކު ކިޔަވަން ކިއުބާއަށް ފުރާނީ އަންނަ އަހަރުގެ ޖެނުއަރީގަ އެވެ. މި ސްކޮލަޝިޕްގެ ދެކޮޅު ޓިކެޓް ފިޔަވައި އެހެން ހުރިހާ ހަރަދެއް ކިއުބާ ސަރުކާރުން ދޭނެ އެވެ.