ރައީސުލްޖުމުހޫއްރީއްޔަ ޑރ. މުހައްމަދު މުޢިއްޒު ތުރުކީގެ ރައީސް ރަޖަބް ތައްޔިބު އުރުދުގާން އާއި ބައްދަލު ކުރައްވައިފިއެވެ.
ރައީސް ޑރ. މުއިއްޒު މަޤާމުގެ ހުވާކުރެއްވި ފަހުން ކުރައްވާ ރަސްމީ ދަތުރުފުޅެއްގައި އީއްޔެ ވަނީ ތުރުކީއަށް ވަޑައިގެންފައެވެ. މި ދަތުރުފުޅުގައި ރައީސް ޑރ. މުއިއްޒުއާއި އަނބިކަނބަލުން ފަސްޓް ލޭޑީ ސާޖިދާ މުހައްމަދު އިތުރުން ސަރުކާރުގެ މަތީ ފަންތީގެ ވަފުދެއް ބައިވެރިވެވަޑައިގަންނަވައެވެ. މި ދަތުރުފުޅަކީ ތުރުކީގެ ރައީސް އުރުދުޤާންގެ ދައުވަތަކަށް ކުރައްވާ ދަތުރުފުޅެކެވެ.
މި ދަތުރުފުޅުގެ ތެރެއިން ތުރުކީގެ ރައީސް އުރުދުޤާން އައީ ރައީސް ބައްދަލު ކުރަައްވާފައިވާއިރު، މި ބައްދަލުވުމުގައި މަޝްވަރާ ކުރެވުނީ ކޮންކަމަކާއި ގުޅޭގޮތުން ކަމެއް އަދި ސާފު ނުވެއެވެ. ނަމަވެސް މި ބައްދަލުވުންު ކުރިއަށް ގޮސްފައިވާކަން އެ ޤައުމުގެ ރައީސް އޮފީހުން ވަނީ ހާމަކޮށްފައެވެ.
ރައީސްގެ މި ދަތުރުފުޅުގައި، ތުރުކީވިލާތުގެ ރައީސް ރަޖަބް ޠައްޔިބް އުރްދުޣާންއާއި، ތުރުކީ ސަރުކާރުގެ އިސް އޮފިޝަލުންނާ ބައްދަލުކުރައްވައި، ދެޤައުމުން އިސްކަންދޭ މުހިންމު ދާއިރާތަކުން އެއްބާރުލުން އިތުރުކުރެވިދާނެ ގޮތްތަކާ ގުޅޭގޮތުންނާއި، ދެޤައުމުގެ ދޭދޭ ގުޅުން އިތުރަށް ބަދަހި ކުރެވިދާނެ ގޮތްތަކާ ގުޅޭގޮތުން މަޝްވަރާކުރެއްވުމަށް ހަމަޖެހިފައިވެއެވެ.
ރައީސް އެނބުރި ޤައުމަށް ވަޑައިގަތުމަށް ހަމަޖެހިފައިވަނީ، 30 ނޮވެމްބަރު 2023ގައި ޔުނައިޓެޑް އެރެބް އެމިރެޓްސް (ޔޫ.އޭ.އީ)ގައި ބޭއްވުމަށް ހަމަޖެހިފައިވާ ޔުނައިޓެޑް ނޭޝަންސް ކްލައިމެޓް ޗޭންޖް ކޮންފަރެންސް (ކޮޕް-28) ގައި ބައިވެރިވެވަޑައިގަތުމަށް ފަހުގައެވެ.
ތުރުކުގީގެ ރައީސް އުރުދުޤާންގެ ދައުވަތަކަށް ރައީސް އެ ޤައުމަށް ވަޑައިގެންނެވިއިރު، އެމަނިކުފާނު އިންތިހާބު ވުމާއި ގުޅިގެން މަރުހަބާ ދެންނެވުމުގެ އިތުރުން ފަލަސްތީނު މައްސަލާގައި މަޝްވަރާ ކުރެއްވުމަށް ރައީސް އުރުދުޤާން ވަނީ ފޯނު މެދުވެރިކޮށް ގުޅުއްވާފައެވެ.