އިސްލާމިކް މިނިސްޓްރީގެ ޑެޕިއުޓީ މިނިސްޓަރަކަށް އަލީ އަހުސަން އައްޔަންކޮށްފި އެވެ.
އޭނަ އެ މަގާމަށް ހަމަޖެއްސީ އިއްޔެ އެވެ. އަހުސަނަކީ މިހާރުގެ އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދު އިސްކޮށް ހުންނަވައިގެން އުފެއްދެވި އިސްލާމިކް އޮގަނައިޒޭޝަން ފޯ ކަލްޗާ އެންޑް ސިވިލައިޒޭޝަން (އައިއޯސީސީ) ގެ މިހާރުގެ ރައީސެވެ.
އަހުސަނީ ކުރިން ނޫސްވެރިކަމުގެ ދާއިރާގައި ވެސް ގިނަ ދުވަސްތަކެއް ވަންދެން މަސައްކަތްކުރެއްވި ބޭފުޅެކެވެ. އެގޮތުން މޯލްޑިވްސް މީޑިއާ ކައުންސިލް (އެމްއެމްސީ) ގެ މެމްބަރުކަން ވެސް ކުރެއްވި އެވެ.
ހދ. ވައިކަރަދު އަށް އުފަން އަހުސަން ފުރުއްވާފައިވާ މަގާމުތަކުގެ ތެރޭގައި ޖަމިއްޔަތުއް ރަހުމާގެ ޖެނެރަލް ސެކްރެޓަރީކަމާއި އިލްމު އިންސްޓިޓިއުޓްގެ އެސިސްޓެންޓް ޑިރެކްޓަރުކަން ވެސް ހިމެނެ އެވެ.
އިސްލާމިކް މިނިސްޓްރީ އަށް އާ ސަަރުކާރުން ވަނީ ސްޓޭޓް މިނިސްޓަރުކަން ވެސް އައްޔަންކޮށްފަ އެވެ. އެއީ ޑރ. މުހައްމަދު ޝުޖާއު އަބްދުލްހަކީމެވެ.