އިސްލާމިކް މިނިސްޓަރުގެ ނައިބަކަށް އަންހެން ބޭފުޅަކު އައްޔަންކޮށްފި އެވެ.
އެ މަގާމަށް އައްޔަންކުރެއްބި ބޭފުޅަކީ ކުރިން އިސްލާމިކް ޔުނިވަސިޓީގެ ޑެޕިއުޓީ ވައިސް ޗާންސެލަރަކަށް ހުންނެވި ހައްވާ ލަތީފެވެ. އޭނަ އަކީ މިސްރުގެ އަލް އަޒުހަރު ޔުނިވަސިޓީން ތައުލީމު ހާސިލުކުރައްވާފައިވާ ބޭފުޅެކެވެ.
އިސްލާމިކް މިނިސްޓަރގެ ނައިބަކަށް އަންހެންބޭފުޅެއް ހަމަޖެއްސެވިކަމަށްޓަކައި ރައީސް ޑރ މުއިއްޒަށް ޝުކުރު ދަންނަވަން. އުސްތާޛާ ޙައްވާލަޠީފަކީ އަލްއަޒުހަރު ޔުނިވަރސިޓީއިން ތައުލީމު ޙާޞިލްކުރެެއްވި ބޭފުޅެއް. ކުރިން ހުންނެވީ އިސްލާމީ ޔުނިވަރސިޓީގެ ޑެޕިއުޓީ ވައިސްޗާންސެލަރއަށް.👇👇 pic.twitter.com/JBw7jCASg2
— Mohamed Shaheem Ali Saeed (@Mohamedshaheem1) November 28, 2023
އިސްލާމިކް މިނިސްޓަރުގެ ނައިބަކަށް ހައްވަ އައްޔަން ކުރުމާ ގުޅިގެން މިނިސްޓަރު ޑރ. މުހައްމަދު ޝަހީމް އަލީ ސައީދު ވަނީ އެކަމަށްޓަކައި ރައީސް ޑރ. މުހައްމަދު މުއިއްޒަށް ޝުކުރު ވެސް އަދާކުރައްވައިފަ އެވެ.
މި ސަރުކާރުގެ އެކިއެކި އިސް މަގާމުތަކަށް އަންހެން ބޭފުޅުން އައްޔަންކުރުމަކީ ސަރުކާރުގެ މުހިއްމު ސިޔާސަތަކަށް ވާނެ ކަމަށް ރައީސް ވިދާޅުވެފައިވެ އެވެ.
އިސްލާމިކް މިނިސްޓަރުގެ ނައިބަކަށް އިއްޔެ ވަނީ އަހުސަން އަލީ ވެސް އައްޔަންކޮށްފަ އެވެ. އަދި އެ މިނިސްޓްރީގެ ސްޓޭޓް މިނިސްޓަރަކަށް ރ. މުހައްމަދު ޝުޖާއު އަބްދުލްހަކީމް ވެސް އައްޔަންކޮށްފައިވެ އެވެ.