ކުރީގެ ރައީސް އަބްދުﷲ ޔާމީންގެ ޕާޓީ ޕީޕަލްސް ނޭޝަނަލް ފްރަންޓް އުފެއްދުމަށް ހުއްދަ ދިނުމާއި މެދު މާދަމާ ގޮތެއް ނިންމާނެ ކަމަށް އިލެކްޝަންސް ކޮމިޝަނުން ހާމަކޮށްފިއެވެ.
މިޕާޓީއަށް އުފެއްދުމަށް މުޢައްސިސެއްގެ ގޮތުގައި ހުށަހަޅާފައިވަނީ ރައީސް ޔާމީންގެ ދަރިކަލުން ޒެއިން އަބްދުﷲ ޔާމީން އެވެ. ޕާޓީ އުފެއްދުމުގެ ހުއްދައަކަށް އީއްޔެ ކުށުގެ ރެކޯޑުތައް ސާފު ކުރުމަށް ފަހު ހުށަހަޅާފައެވެ.
މިކަމާއި ގުޅޭގޮތުން މިރޭ އީލެކްޝަން ކޮމިޝަނުގެ ނައިބް ރައީސް އިސްމާއިލް ހަބީބް ވިދާޅުވީ ޒެއިން އަބްދުﷲ ޔާމީން ފަރާތްފުޅުން ސިޔާސީ ޕާޓީއެއް އުފެއްދުމަށް ހުށަހަޅުއްވާފައިވާ ހުށަހެޅުމާއި މެދު މާދަމާ މެނދުރު 2 ޖާހާއިރު އެލެކްޝަން ކޮމިޝަނުގެ މެންބަރުން ބާއްވާ ޖަލްސާއަކުން ގޮތެއް ނިންމަވާނެ ކަމަށެވެ.
އަލްފާޟިލް ޒެއިން ޢަބްދުﷲ ޔާމީން ގެ ފަރާތްޕުޅުން، ސިޔާސީ ޕާޓީއެއް އުފެއްދެވުމުގެ ހުއްދައަށް އެދިވަޑައިގެން، އިލެކްޝަންސް ކޮމިޝަނަށް ހުށަހަޅުއްވާފައިވާ ހުށަހެޅުއްވުމާމެދު މާދަމާ 2 ޖަހާއިރު ބާއްވާ ކޮމިޝަންގެ ޖަލްސާގައި ގޮތެެއް ނިންމަވާނެ.
އިންޝާ ﷲ.@ElectionsMv @ZeineYameen…— Ismail Habeeb (@IsmailHabeeb) November 28, 2023
ރައީސް ޔާމީންގެ އައު ޕާޓީއެއް އުފެއްދުމުގެ މަސައްކަތް މިހާރު ބާރަށް ކުރިއަށްދާއިރު، ޕާޓީއަށް މެންބަރުން ހޯދުމުގެ މަސައްކަތްވެސް ބާރަށް ކުރިއަށް އެބަ ގެންދެއެވެ. އެގޮތުން ކުރީގެ ޕީޕީއެމް އޮފީސް ހިންގި އިމާރާތުގައި އެ ޕާޓީގެ އޮފީހެއް ޤާއިމްކޮށް މިހާރު ވަނީ މަސައްކަތް ފަށާފައެވެ. އެގޮތުން ޕާޓީގެ އުފެއްދުމުގައި އިސްކޮށް ހަރަކާތްތެރިވާ ކުރީގެ މިނިސްޓަރ މުހައްމަދު މަލީހު ޖަމާލް ވަނީ ހުއްދަ ދާދި އަވަހަށް ލިބޭނެ ކަން ފާހަގަކޮށް ވީހާވެސް އަވަހަށް 3000 މެންބަރުންގެ ސޮއިހަމަ ކުރުމަށް އެދިވަޑައިގެންފައެވެ.
ސިޔާސީ ޕާޓީ އުފައްދަން އީސީ އަށް ހުށަހަޅާ އިރު، މަދުވެގެން އެ އަދަދަށް މެންބަރުން ސޮއި ބޭނުން ވާނެ އެވެ.
ޕީއެންއެފްގެ މުއައްސަސަކީ ޔާމީންގެ ދަރިކަލުން ޒެއިން ޔާމީނެވެ. މި ޕާޓީގައި އިސްކޮށް އުޅުއްވާ ބޭފުޅުންގެ ތެރޭގައި ކުރީގެ ނައިބު ރައީސް ޑރ. މުހައްމަދު ޖަމީލު އަހުމަދު ވެސް ހިމެނވަޑައިގަނެ އެވެ.