މާލެ ސިޓީ ކައުންސިލުގެ މޭޔަރު ކަމާއި، އަދި ކައުންސިލަރުންގެ ތެރެއިން ހުސްވެފައިވާ ގޮންޑިތަކަށް އެމްޑީޕީގެ ފަރާތުން ކުރިމަތިލާން ބޭނުންވާ ފަރާތްތަކަށް އެ ފުރުސަތު ހުޅުވާލައިފިއެވެ.
މާލެ ސިޓީ ކައުންސިލުގެ މޭޔަރު ކަމުގައި ހުންނެވި މިހާރުގެ ރައީސްލްޖުމުހޫއްރީއްޔާ ޑރ. މުހައްމަދު މުޢިއްޒު ރައީސްކަމަށް އިންތިހާބު ވުމާއެކު، އެ މަޤާމު ވަނީ ހުސްވެފައެވެ. އެ މަޤާމުގެ އިތުރުން އައު ސަރުކާރުގެ އެކި މަޤާމުތަކަށް ސިޓީ ކައުންސިލުގެ އިތުރު ތިން ދައިރާގެ ކައުންސިލަރުން ވަނީ ދިއުމަށް އިސްތިއުފާ ދީފައެވެ. މިއާއެކު ސިޓީ ކައުންސިލުގެ ބައި-އެލެކްޝަނެއް ބާއްވައި އެ މަޤާމުތަކަށް މެންބަރުން އިންތިހާބު ކުރުމަށް ވަނީ ހަމަޖެހިފައެވެ./
🔶 މާލެ ސިޓީ ކައުންސިލްގެ މޭޔަރު
މާލެ ސިޓީ ކައުންސިލްގެ؛
🔸 މާފަންނު ދެކުނު ދާއިރާ
🔸 މެދު ހެންވޭރު ދާއިރާ
🔸ހެންވޭރު ދެކުނު ދާއިރާޝައުޤުވެރިވެވަޑައިގަންނަވާ ފަރާތްތަކުން 01 ޑިސެމްބަރ 2023 ވާ ހުކުރު ދުވަހުގެ 16:00 ގެ ކުރިން ފޯމު ހުށަހެޅުއްވުންއެދެމެވެ. https://t.co/UTei65uz6e
— Anas Abdul Sattar (@anasabdulsattar) November 28, 2023
މާލެ ސިޓީ ކައުންސިލުން ހުސްވެފައިވާ ގޮނޑިތަކަށް އެމްޑީޕީގެ ފަރާތުން ކުރިމަތިލުމަށް ޝައުޤުވެރިވާ ފަރާތްތަކުން އެކަން އެ ޕާޓީއަށް ފޯމު މެދުވެރިކޮށް ޑިސެމްބަރު މަހުގެ އެއްވަނަ ދުވަހުގެ 16:00 ގެ ކުރިން އެންގުމަށް އެ ޕާޓީން ވަނީ އެދިފައެވެ.
މާލެ ސިޓީ ކައުންސިލުން ހުސްވެފައިވަނީ، މޭޔަރުގެ އިތުރުން، މާލެ ސިޓީ ކައުންސިލްގެ މާފަންނު ދެކުނު ދާއިރާ، މެދު ހެންވޭރު ދާއިރާ، އަދި ހެންވޭރު ދެކުނު ދާއިރާގެ ކައުންސިލް މެންބަރުގެ ކަމުގެ ގޮނޑިއެވެ.
މި ދައިރާތަކުގެ ބައިއެލެކްޝަން ބޭއްވުމަށް އެލެކްޝަންސް ކޮމިޝަނުން ނިންމާފައިވަނީ އަންނަ އަހަރުގެ ޖަނަވަރީ މަހުގެ 13 ވަނަ ދުވަހުއެވެ. މި ދައިރާތަކުގެ އިތުރުން ރަކީދޫ ކައުންސިލުގެ މެންބަރުކަމާއި 19 ރަށެއްގެ އަންހެނުންގެ ތަރައްޤީއަށް މަސައްކަތް ކުރާ ކޮމެޓީގެ މެންބަރު ކަމުގެ ބައިއެލެކްޝަން ބޭއްވުމަށް ވަނީ ހަމަޖެހިފައެވެ.