މޯލްޑިވިއަން ކުންފުނީގެ މެނޭޖންގް ޑިރެކްޓަރުކަމަށް އެކުންފުންޏަށް ގިނަ ދުވަހު ޚިދުމަތް ކޮށްދެއްވާފައިވާ އިބްރާޙިމް އިޔާސް އައްޔަންކޮށްފިއެވެ.
އެކުންފުނީގެ މެނޭޖިންގް ޑިރެކްޓަރ ކަމަށް އައްޔަން ކޮށްފައިވާ އިޔާސް އަކީ އެކުންފުނީގައި މެދުނުކެނޑި 15 އަހަރު ޚިދުމަތްކޮށްދެއްވާފައިވާ ބޭފުޅެއް ކަމަށް މޯލްޑިވިއަން އިން ބުނެއެވެ. އޭނާ އެމްޑީ ކަމާއި ހަވާލުވިއިރު އޭނާ ހުރީ ކުންފުނީގެ ޗީފް އޮޕަރޭޓިންގް އޮފިސަރުގެ މަޤާމުގައެވެ. އޭނާ އެ މަޤާމަށް އައްޔަން ކޮށްފައިވަނީ 2021 ވަނަ އަހަރުއެވެ.
Congratulations to Mr. Ibrahim Iyas on his appointment as the new Managing Director of IASL. pic.twitter.com/2vr1HNy1mg
— MaldivianAero (@MaldivianAero) November 28, 2023
އިޔާސް އަކީ އިނގިރޭސިިވިލާތުގެ ޔުނިވަސިޓީ އޮފް ލަންޑަންގެ އިމްޕީރިއަލް ކޮލެޖުން އޭރޯނޯޓިކަލް އިންޖިނިއަރިން އިން މާސްޓާސް ހާސިލުކުރެއްވި ބޭފުޅެކެވެ. ކިޔަވާވިދާޅުވުމަށް ފަހު 2004 ވަނަ އަހަރު ރާއްޖެ ވަޑައިގެން އެންމެ ފުރަތަމަ މަސައްކަތް ކުރެއްވީ ސިވިލް އޭވިއޭޝަން ޑިޕާޓްމެންޓް ނުވަތަ މިހާރުގެ މޯލްޑިވްސް ސިވިލް އޭވިއޭޝަން އޮތޯރިޓީގަ އެވެ.
މޯލްޑިވިއަން އެމްޑީކައަކަށް އިޔާސް އައްޔަން ކުރިއިރު، އެކުންނީގެ މެނޭޖިންގް ޑިރެކްޓަރުގެ މަޤާމުގައި މީގެ ކުރިން ހުރީ މުހައްމަދު މިހާދުއެވެ. އޭނާ ވަނީ އެ މަޤާމުން މިއަދު ވަކިކޮށްފައެވެ.