ވެރިކަން ކުރާ ޕީޕަލްސް ނޭޝަނަލް ކޮންގްރެސް(ޕީއެންސީ)ގެ ލީޑާޝިޕްގެ ހާއްސަ ޓީމެއް އައްޑޫގައި ހަރަކާތްތެރިވާން ފަށައިފިއެވެ.
ޕާޓީގެ ހާއްސަ ޓީމެއް އައްޑޫއަށް އައިސްފައިވާއިރު ޓީމުގައި އިސްކޮށް ހަރަކާތްތެރިވާ ފަރާތްތަކުގެ ތެރޭގައި މިނިސްޓަރ ފޯރް ހޯމްލޭންޑް ސެކިއިރިޓީ އެންޑް ޓެކޮނޮލޮޖީ އަލީ އިހުސާން، ރައީސް އޮފީހުގެ މިނިސްޓަރ އާދަމް ރަމީޒް، ރައީސް އޮފީހުގެ މިނިސްޓަރ އަބްދުﷲ ނާސިރުގެ އިތުރުން ސަރުކާގެ ބައެއް މުޢައްސަސާތަކުގެ އިސްވެރިންގެ އިތުރުން ކުރީގެ މަޖިލިސް މެންބަރުން ވަނީ ހިމެނެއެވެ.
މި ޓީމުގެ އައްޑޫއަށް ކުރައްވާ ދަތުރާއި ގުޅޭގޮތުން އައްޑޫސިިޓީގެ ޕީއެންސީ ޓީމުން ބުނީ، މި ޓީމުން މައިގަނޑު ގޮތެއްގައި ދައިރާތަކުގެ ކެމްޕެއިން ޓީމުތަކާއި ބައްދަލު ކުރާނެ ކަމަށެވެ. މީގެ އިތުރުން ޕާޓީގެ ހަރަކާތްތައް އިތުރުކޮށް، ޕާޓީއަށް މެންބަރުން އިތުރު ކުރުމުގެ މަސައްކަތްތައް ކުރުމާއި ގުޅޭގޮތުން މަޝްވަރާތައް ކުރާނެ ކަމަށް ޕީއެންސީން ބުނެއެވެ.
އައްޑޫސިޓީއަށް ޕީއެންސީގެ ހާއްސަ ޓީމެއް މިއަދު ގޮސްފައިވާއިރު، މި ޓީމުގެ ކުރިއަށް އޮތް ދެ ދުވަހު އެކި ފަރާތްތަކާއި ބައްދަ ކުރައްވާނެ ކަމަށް މައުލޫމާތު ލިބެއެވެ. އަދި ޓީމުގެ މަސައްކަތް ނިންމާލާ ހުކުރު ދުވަހު ހަވީރު ފުރާގޮތަށް ހަމެޖެހިފައިވާ ކަމަށް ވަނީ މައުލޫމާތު ލިބިފައެވެ.